അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വായിൽ വെള്ളമൂറുന്ന ഒരു റെസിപ്പി തയ്യാറാക്കിയാലോ? വളരെ എളുപ്പത്തിൽ രുചികരമായി തയ്യാറാക്കാവുന്ന ടേസ്റ്റി ഫ്രൈഡ് പനീര്‍ ടിക്കാ.
ആവശ്യമായ ചേരുവകൾ
- പനീര്‍ – 200 ഗ്രാം
- മുളകുപൊടി – 2 ടീസ്പൂണ്‍
- കുരുമുളകുപൊടി – ½ ടീസ്പൂണ്‍
- ഗരംമസാല – ½ ടീസ്പൂണ്‍
- മഞ്ഞള്‍പൊടി – 1 നുള്ള്
- ഇഞ്ചി-വെളുത്തുള്ളി അരച്ചത് – 1 ടേബിള്‍സ്പൂണ്‍
- തൈര് – 2 ടേബിള്‍സ്പൂണ്‍
- വെണ്ണ – 1 ടേബിള്‍സ്പൂണ്‍
- ഉപ്പ് – ¼ ടീസ്പൂണ്‍
തയാറാക്കുന്ന വിധം
പനീര്‍ 2 ഇഞ്ച് നീളത്തില്‍ കഷ്ണങ്ങളായി മുറിക്കുക. മുറിച്ചെടുത്ത കഷ്ണങ്ങളില്‍ ഒരു ഫോര്‍ക്ക് ഉപയോഗിച്ച് ചെറിയ ദ്വാരങ്ങളിടുക. മുളകുപൊടി, കുരുമുളകുപൊടി, ഗരംമസാല, മഞ്ഞള്‍പൊടി, ഇഞ്ചി-വെളുത്തുള്ളി അരച്ചത്, ഉപ്പ് എന്നിവ തൈര് ചേര്‍ത്ത് നന്നായി യോജിപ്പിച്ച് പേസ്റ്റ് പരുവത്തിലാക്കുക. ഈ മിശ്രിതം പനീരില്‍ പുരട്ടി കുറഞ്ഞത് 20 മിനിറ്റ് വയ്ക്കുക. ഒരു നോണ്‍ സ്റ്റിക്ക് പാനില്‍ 1 ടേബിള്‍സ്പൂണ്‍ വെണ്ണ ചൂടാക്കി, പനീര്‍ ഇട്ട് ചെറുതീയില്‍ ഇരുവശവും ബ്രൌണ്‍ നിറമാകുന്നവരെ മൊരിച്ചെടുക്കുക.
