അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇന്നത്തെ തലമുറയിലെ കുട്ടികൾക്ക് അടി കിട്ടാത്ത വളരുന്നതിന്റെ പ്രശ്നങ്ങളുണ്ടെന്നും താനൊക്കെ സ്കൂളിൽ അടി കിട്ടി വളർന്ന കുട്ടിയാണെന്നും പ്രതികരിച്ച് സിനിമാ-ടെലിവിഷൻ താരം വരദ. പാലക്കാട് ജില്ലയിലെ സർക്കാർ സ്കൂളിൽ അധ്യാപകനോട് വിദ്യാര്ഥി മോശമായി പെരുമാറിയ സംഭവത്തിൽ തന്റെ നിലപാട് അറിയിക്കുകയായിരുന്നു താരം.
പഠിച്ച സ്കൂളിലെ വാർഷികാഘോഷങ്ങളിൽ അതിഥിയായി പങ്കെടുക്കാനെത്തിയപ്പൊളായിരുന്നു വരദ സംഭവത്തിൽ പ്രതികരിച്ചത്. ‘ആ വീഡിയോ ഭയങ്കര ഡിസ്റ്റേർബിങ്ങ് ആയിരുന്നു. ഈ ജനറേഷനിൽ പെടുന്നയാളാണ് എന്റെ മോനും. ഞങ്ങളൊക്കെ സ്കൂളിൽ നല്ല അടി കിട്ടി വളർന്നവരാ. അങ്ങനെ അടി കിട്ടാത്തതിന്റെ പ്രശ്നങ്ങൾ ഇന്നത്തെ തലമുറയിലെ കുട്ടികൾക്കുണ്ടെന്നു തോന്നുന്നു. പക്ഷേ അമിതമായി തല്ലുന്ന അധ്യാപകരും ഉണ്ട്. എങ്കിലും സ്കൂളിൽ നിന്നും കുറച്ചൊക്കെ അടി കിട്ടിയും ചീത്ത കേട്ടുമൊക്കെ വളർന്നാലേ ശരിയാകൂ.’ വരദ പറഞ്ഞു.
പാലക്കാട് ആനക്കര ഗവണ്മെന്റ് ഹയര് സെക്കന്ഡറി സ്കൂളിലാണ് വിവാദ സംഭവം അരങ്ങേറിയിരുന്നത്. വിദ്യാര്ഥി സ്കൂളില് വൈകി വന്നതും ഫോൺ കൊണ്ടുവന്നതും ചോദ്യം ചെയ്ത അധ്യാപകന് നേരെ കുട്ടി ഭീഷണി മുഴക്കുകയായിരുന്നു. പുറത്തുവന്ന വീഡിയോയ്ക്കു താഴെ വിദ്യാര്ഥിക്കും മാതാപിതാക്കള്ക്കുമെതിരെ രൂക്ഷവിമര്ശനമാണ് ഉയർന്നത്. വരദയെപ്പോലെ തന്നെയാണ് വീഡിയോയ്ക്കു താഴെ പലരും പ്രതികരിച്ചത്.
STORY HIGHLIGHT: actress varada says about kids
