അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂയോര്‍ക്ക്: ഗൂഗിൾ തങ്ങളുടെ പുതിയ പിക്സൽ ഫോൺ ഉടൻ പുറത്തിറക്കാൻ പോകുന്നു. ‘ഗൂഗിൾ പിക്സൽ 9എ’യുടെ (Pixel 9a) അവസാന മിനുക്കുപണികളിലാണ് കമ്പനി എന്നാണ് റിപ്പോർട്ട്. പിക്സൽ 9 സിരീസിലെ ഏറ്റവും താങ്ങാനാവുന്ന ഫോണായിരിക്കും ഇത്. വരാനിരിക്കുന്ന പിക്സൽ 9എയെക്കുറിച്ച് ഔദ്യോഗിക സ്ഥിരീകരണം ഇല്ല. പക്ഷേ ഈ ഫോൺ ഉടൻ ലോഞ്ച് ചെയ്യാൻ പോകുന്നുവെന്നാണ് അനൌദ്യോഗിക റിപ്പോർട്ടുകൾ. പിക്സൽ 9എയുടെ വില വിവരങ്ങൾ യുഎസിൽ നിന്നും കാനഡയിൽ നിന്നും പുറത്തുവന്നിട്ടുണ്ട്.
ഗൂഗിൾ പിക്സൽ 9എയ്‌ക്ക് 128 ജിബി മോഡലിന് അമേരിക്കയില്‍ 499 ഡോളർ (ഏകദേശം 43,180 രൂപ) ആയിരിക്കും വിലയെന്നാണ് സൂചന. പിക്സൽ 8എയുടെ അതേ വിലയാണിത്. അതേസമയം 256 ജിബി മോഡലിന് 599 ഡോളർ (ഏകദേശം 51,830 രൂപ) പ്രതീക്ഷിക്കുന്നു. പിക്സൽ 8a-യുടെ അതേ സ്റ്റോറേജ് പതിപ്പുള്ള Pixel 9a-യുടെ 256 ജിബി വേരിയന്‍റിന് 40 ഡോളർ (ഏകദേശം 3,461 രൂപ) വില കൂടുതലായിരിക്കാം. പുറത്തുവന്ന റിപ്പോർട്ടുകൾ ഫോണിന്‍റെ കനേഡിയൻ വിലയും വെളിപ്പെടുത്തുന്നു. 128 ജിബി മോഡലിന് കനേഡിയന്‍ ഡോളര്‍ 679ഉം, 256 ജിബി മോഡലിന് കനേഡിയന്‍ ഡോളര്‍ 809 ഉം ആയിരിക്കും വില. 2025 മാർച്ച് പകുതിയോടെ പിക്സൽ 9a ലോഞ്ച് ചെയ്യപ്പെടുമെന്നാണ് റിപ്പോർട്ടുകൾ.
ഗൂഗിൾ പിക്സൽ 9 എ 120Hz ഉം 6.3-ഇഞ്ച് എച്ച്ഡിആർ ഡിസ്‌പ്ലേയുമായി വരാൻ സാധ്യതയുണ്ട്. ലൈനപ്പിലെ മറ്റ് മോഡലുകളെ ശക്തിപ്പെടുത്തുന്ന ടെൻസർ ജി4 ചിപ്പ് ഇതിന് പവർ ചെയ്തേക്കാം. 8 ജിബി റാമും 256 ജിബി വരെ ഓൺബോർഡ് സ്റ്റോറേജും ഈ സ്മാർട്ട്‌ഫോണിൽ ഉണ്ടാകുമെന്ന് പ്രതീക്ഷിക്കുന്നു. കൂടാതെ, പിക്സൽ 9 എയിൽ 48 എംപി ക്വാഡ് ഡ്യുവൽ പിക്സൽ ക്യാമറയും ഉണ്ടാകാൻ സാധ്യതയുണ്ട്. പ്രൈമറി ലെൻസിനൊപ്പം 13 എംപി അൾട്രാ വൈഡ് ആംഗിൾ ലെൻസും 13 എംപി സെൽഫി ക്യാമറയും ഉണ്ടാകുമെന്നാണ് പ്രതീക്ഷിക്കുന്നത്. 18 വാട്സ് വയർഡും 7.5 വാട്സ് വയർലെസ് ചാർജിംഗും ഉള്ള ഒരു വലിയ 5,000 എംഎഎച്ച് ബാറ്ററി ഈ പുതിയ ഫോണിന് ഉണ്ടാകാൻ സാധ്യതയുണ്ട്.
128 ജിബി മോഡലിന് 52,999 രൂപയിലും 256 മോഡലിന് 59,999 രൂപയ്ക്കുമാണ് പിക്സൽ 8എ ഇന്ത്യയിൽ അവതരിപ്പിച്ചത്. പിക്സൽ 9എയുടെ 256 ജിബി മോഡലിന് ഇന്ത്യയിലും കൂടുതൽ വില നൽകേണ്ടിവരും. 128 ജിബി മോഡലിന്‍റെ വിലയും ഇതുതന്നെയായിരിക്കാം. വിനിമയ നിരക്കിലെ ഏറ്റക്കുറച്ചിലുകൾ കാരണം നേരിയ വർധനവ് ഉണ്ടായേക്കാം.
content highlight: google-pixel-9a-price-list-leaked
