സൂപ്പർഹിറ്റ് ചിത്രം മാർക്ക് ആന്റണിക്ക് ശേഷം, ആദിക്ക് രവിചന്ദ്രൻ അജിത്തിനെ നായകനാക്കി സംവിധാനം ചെയ്യുന്ന ഗുഡ് ബാഡ് അഗ്ലി ഏപ്രിൽ 10 ന് തിയേറ്ററുകളിലേക്ക് എത്തുകയാണ്. വേൾഡ് വൈഡ് ആയി ചിത്രം റിലീസ് ചെയ്യും. ആക്ഷൻ കോമഡി ഗണത്തിലാണ് ഗുഡ് ബാഡ് അഗ്ലി ഒരുക്കിയിരിക്കുന്നത്. ഗുഡ് ബാഡ് അഗ്ലിയുടെ ചൈതികരണത്തിനിടയിൽ ലീക്ക് ആയ സ്റ്റില്ലുകളും വിഡിയോസും സാമൂഹ്യ മാധ്യമങ്ങളിൽ വൻ വൈറൽ ആയിരുന്നു. അജിത്തിനോടൊപ്പം തൃഷയും ചിത്രത്തിലുണ്ടാകും എന്ന് റിപോർട്ടുകൾ ഉണ്ട്.
ഇപ്പോൾ ചിത്രത്തിന്റെ ഒടിടി വിതരണാവകാശം വിറ്റുപോയിരിക്കുകയാണ്. ഗുഡ് ബാഡ് അഗ്ലി സിനിമയുടെ ഒടിടി റൈറ്റ്സ് നെറ്റ്ഫ്ലിക്സിനാണ്. വമ്പൻ തുകയ്ക്കാണ് നെറ്റ്ഫ്ലിക്സ് വിതരണാവകാശം സ്വന്തമാക്കിയതെന്നാണ് റിപ്പോർട്ടുകൾ. ഷൈൻ ടോം ചാക്കോയും അജിത്ത് ചിത്രത്തില്‍ ഉണ്ടാകുമെന്നാണ് സൂചന.
സാൾട്ട് ആന്‍ഡ് പെപ്പർ ലുക്കിൽ നിന്നും വ്യത്യസ്‌തമായി വളരെ സ്‌റ്റൈലിഷ് ലുക്കിലാണ് അജിത്ത് ഗുഡ് ബാഡ് അഗ്ലിയിൽ എത്തുന്നത്. ട്രിപ്പിള്‍ റോളിലാണ് ചിത്രത്തില്‍ അജിത്ത് എത്തുന്നത്. അതേസമയം സിനിമയില്‍ നായികയായി എത്തുന്ന തൃഷയുടെ പുതിയ ഗെറ്റപ്പും സോഷ്യല്‍ മീഡിയയില്‍ വൈറലാവുകയാണ്. അജിത്, തൃഷ എന്നിവരെ കൂടാതെ നസ്‌ലെൻ, സുനിൽ, എസ്‌ജെ സൂര്യ എന്നിവരും ചിത്രത്തില്‍ സുപ്രധാന കഥാപാത്രങ്ങളെ അവതരിപ്പിക്കുന്നു. ഒരു ആക്ഷന്‍ ത്രില്ലറായാണ് അധിക് രവിചന്ദ്രന്‍ സംവിധാനം ചെയ്യുന്ന ചിത്രം ഒരുങ്ങുന്നത്. പ്രശസ്‌ത സംഗീത സംവിധായകന്‍ ദേവി ശ്രീ പ്രസാദ് ആണ് സിനിമയിലെ ഗാനങ്ങള്‍ക്ക് സംഗീതം ഒരുക്കുന്നത്.
അജിത്ത് നായകനായി വേഷമിട്ടതില്‍ തുനിവാണ് ഒടുവില്‍ പ്രദര്‍ശനത്തിനെത്തിയത്. മികച്ച വിജയമായി മാറിയിരുന്നു അജിത്ത് ചിത്രം തുനിവ് എന്നാണ് റിപ്പോര്‍ട്ടുകള്‍ വ്യക്തമാക്കിയത്. സംവിധാനം എച്ച് വിനോദായിരുന്നു നിര്‍വഹിച്ചത്. ബാങ്ക് കൊള്ളയടിക്കുന്നതുമായി ബന്ധപ്പെട്ടായിരുന്നു അജിത്ത് ചിത്രത്തിന്റെ പ്രധാന പ്രമേയം. അജിത്തിന്റേതായി അടുത്തതായി തിയേറ്ററുകളിൽ എത്താനുള്ള ചിത്രം വിഡാമുയർച്ചിയാണ്. പല തവണ റിലീസ് മാറ്റിവെച്ച് ആരാധകരിൽ നിരാശ നിറച്ചെങ്കിലും ഒടുവിൽ ചിത്രം ഫെബ്രുവരി ഏഴിന് റിലീസ് ചെയ്യുമെന്ന് പ്രഖ്യാപനം വന്നിരുന്നു.