അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുട്ടികൾക്ക് ഇഷ്ടപ്പെടുന്ന പലഹാരങ്ങളിൽ ഒന്നാണ് ഡോണറ്റ്. നല്ല പഞ്ഞി പോലൊരു ഡോണറ്റ് എളുപ്പത്തിൽ വീട്ടിൽ തന്നെ തയ്യാറാക്കിയാലോ. എല്ലാർക്കും ഇഷ്ടപ്പെടും.
ചേരുവകൾ
- മൈദ – ഒന്നരക്കപ്പ്
- പാൽ – കാൽക്കപ്പ്
- യീസ്റ്റ് – 1 ടീസ്പൂൺ
- മുട്ട – 1
- ബട്ടർ – 2 ടേബിൾസ്പൂൺ
- പഞ്ചസാര – 1 ടേബിൾസ്പൂൺ
- ന്യൂട്ടല്ല – അര കപ്പ്
- ഉപ്പ് – ആവശ്യത്തിന്
- എണ്ണ – വറുക്കാൻ ആവശ്യത്തിന്
തയ്യാറാക്കുന്ന വിധം
ഇളം ചൂടുള്ള പാലിലേയ്ക്ക് യീസ്റ്റ് ചേർത്തു 10 മിനിറ്റ് പൊങ്ങാൻ വെയ്ക്കുക. ഒരു ബൗളിൽ മുട്ട, ബട്ടർ, പഞ്ചസാര, ഉപ്പ് എന്നിവ നന്നായി മിക്സ് ചെയ്യുക. ഇതിലേയ്ക് മൈദയും യീസ്റ്റും പാലുംയോജിപ്പിച്ച് നന്നായി കുഴച്ചെടുക്കുക. നല്ല സോഫ്റ്റാകും വരെ കുഴച്ചെടുക്കണം, ശേഷം ഇതൊരു ബൗളിലേക് മാറ്റി മേലെ കുറച്ചു ഓയിൽ ഗ്രീസ് ചെയ്ത്കൊടുത്തു ബൗൾ കവർ ചെയ്ത് 2 മണിക്കൂർ പൊങ്ങാനായി മാറ്റി വെയ്ക്കുക. 2 മണിക്കൂറിനു ശേഷം പൊങ്ങിവന്ന മാവ് വീണ്ടും നന്നായി കുഴച്ചെടുക്കുക. ഇതിനെ ഒരു റോളർ കൊണ്ട് കാൽ ഇഞ്ച് കനത്തിൽ പരത്തിയെടുക്കുക. ഇതിനു മുകളിലായി ഒരു മീഡിയം സൈസ് ലിഡ് കൊണ്ട് പ്രസ് ചെയ്യുക, അതിന്റെ നടുവിലായി ചെറിയൊരു ലിഡ് കൊണ്ട് പ്രസ്സ് ചെയ്ത് ഡോണറ്റിന്റെ ഷേപ്പ് ആക്കിയെടുക്കുക . ആക്കിയെടുത്ത ഡോണറ്റ്സ് 15 മിനിറ്റ് പൊങ്ങാനായി മാറ്റിവെയ്ക്കുക. അതിനുശേഷം ഫ്രൈ ചെയ്തെടുക്കുക. ഈ സമയം ന്യൂട്ടല്ല 2 ടേബിൾസ്പൂൺ പാൽ / ക്രീം ചേർത്തു ഡബിൾ ബോയിൽ ചെയ്ത് അലിയിച്ച് എടുക്കുക, ഫ്രൈ ചെയ്ത ഓരോ ഡോണറ്റിന്റെയും ഒരു ഭാഗം ന്യൂട്ടല്ലയിൽ മുക്കി എടുക്കുക , ഇതിനു മുകളിലായി റെയിൻബോ വെർമിസെല്ലി കൊണ്ട് അലങ്കരിക്കാം.
STORY HIGHLIGHT : homemade doughnut
