അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരു വെറൈറ്റി വട തയ്യാറാക്കിയാലോ? കിടിലൻ സ്വാദിൽ വളരെ എളുപ്പത്തിൽ തയ്യാറാക്കാവുന്ന മുളക് വടയുടെ റെസിപ്പി.
ആവശ്യമായ ചേരുവകള്‍
- നല്ല പുളിയുള്ള ദോശമാവ് – 1/4 കപ്പ്
- മൈദ – 2 1/4 കപ്പ്
- കടലമാവ് – 1 1/4 സ്പൂണ്‍
- സോഡാപ്പൊടി – 2 നുള്ള്
- സവാള – 3 ചെറുത്
- ഇഞ്ചി അരിഞ്ഞത് – 2 സ്പൂണ്‍
- പച്ചമുളക് – 5-6 എണ്ണം
- കറിവേപ്പില – 3 തണ്ട്
- എണ്ണ – ആവശ്യത്തിന്
- ഉപ്പ് – പാകത്തിന്
- വെള്ളം – ആവശ്യത്തിന്
തയ്യാറാക്കുന്ന വിധം
ദോശമാവ്, മൈദ, കടലമാവ്, സോഡാപ്പൊടി, ഉപ്പ്, അരിഞ്ഞു വച്ചിരിക്കുന്ന സവാള, പച്ചമുളക്, ഇഞ്ചി, കറിവേപ്പില എന്നിവ നന്നായി കുഴയ്ക്കുക. കുറച്ച് വെള്ളം ചേര്‍ത്ത് ചപ്പാത്തി മാവിനേക്കാളും അയവില്‍ കുഴച്ച് 5 മണിക്കൂര്‍ വയ്ക്കുക. കൈ വെള്ളത്തില്‍ മുക്കി ചെറുനാരങ്ങയേക്കാള്‍ വലുപ്പത്തില്‍ ഓരോ ഉരുള മാവെടുത്ത് ചൂടായ എണ്ണയില്‍ വറുത്ത് കോരാം.
