അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാള സിനിമാ ചരിത്രത്തിലെ തന്നെ ഏറ്റവും പണം വാരി പടങ്ങളിൽ ഒന്നായ പ്രേമലുവിന്റെ ഒന്നാം പിറന്നാൾ ആഘോഷിച്ചു ഭാവന സ്റ്റുഡിയോസ് . ഒന്നാം പിറന്നാൾ ദിനത്തിൽ ഏറെ രസകരമായ ഒരു വീഡിയോയിലൂടെ ആണ് ഭാവന സ്റ്റുഡിയോസ് പ്രേമലുവിനു പിറന്നാൾ ആശംസകൾ നേർന്നത് . പ്രേമലുവിന്റെ രണ്ടാം ഭാഗം ഷൂട്ട് 2025 ജൂണിൽ തുടങ്ങും എന്നതിന്റെ സൂചനകളും വീഡിയോയിലുണ്ട് .
2024 ഫെബ്രുവരി 9 നു തീയറ്ററുകളിൽ എത്തിയ പ്രേമലു ഗംഭീര വിജയമാണ് നേടിയത് . എല്ലാത്തരം പ്രേക്ഷകരെയും ഒരുപോലെ ആകർഷിച്ച ചിത്രം ഇന്ത്യ ഒട്ടാകെ തരംഗമായി മാറി . ഭാവന സ്റുഡിയോസിന്റെ ബാനറിൽ നസ്ലൻ മമിത എന്നിവരെ കേന്ദ്ര കഥാപാത്രങ്ങളാക്കി ഗിരീഷ് എ ഡി സംവിധാനം ചെയ്ത ചിത്രം മലയാളത്തിന് പുറമെ തമിഴ് തെലുഗു ഭാഷകളിലേക്കും മൊഴിമാറ്റപ്പെടുകയും അവിടെയും വമ്പൻ വിജയം ആവർത്തിക്കുകയും ചെയ്തു . ഒരു മലയാള ചിത്രത്തിന് ലഭിക്കുന്ന ഏറ്റവും വലിയ വിജയമാണ് ആന്ധ്രാ പ്രദേശ് തെലുങ്കാന സംസ്ഥാനങ്ങളിൽ ചിത്രത്തിന് ലഭിച്ചത് . രാജമൗലി , പ്രിയദർശൻ ഉൾപ്പടെയുള്ള പ്രശസ്ത സംവിധായകരുടെയെല്ലാം പ്രശംസ പിടിച്ചുപറ്റിയ ചിത്രത്തിന്റെ രണ്ടാം ഭാഗവും ഭാവന സ്റ്റുഡിയോസ് അനൗൺസ് ചെയ്തിരുന്നു.
പുതുതലമുറ ചിത്രങ്ങളായ തണ്ണീര്‍ മത്തന്‍ ദിനങ്ങളും സൂപ്പര്‍ ശരണ്യയും സംവിധാനം ചെയ്ത് ശ്രദ്ധേയനായ ഗിരീഷ് എ ഡിയുടെ അടുത്തൊരു ശ്രദ്ധേയ ചിത്രമാണ് പ്രേമലു. പേരു കേള്‍ക്കുമ്പോള്‍ തെലുങ്കെന്ന് തോന്നിക്കുമെങ്കിലും കഥ നടക്കുന്നത് മുഴുവന്‍ ഹൈദരബാദിലായതിനാല്‍ ഇതിനേക്കാള്‍ നല്ലൊരു പേര് സിനിമയ്ക്ക് നിര്‍ദ്ദേശിക്കാനുമില്ല.
ഹൈടെക്ക് നഗരമായ ഹൈദരബാദില്‍ തൊഴില്‍ ചെയ്യുന്ന ഒരുപറ്റം യുവ എന്‍ജിനിയര്‍മാരും എന്‍ജിനിയറിംഗ് ബിരുദമുണ്ടെങ്കിലും അടുത്ത പടവിലേക്ക് കയറാന്‍ ശ്രമിക്കുന്ന രണ്ട് യുവാക്കളും ചേര്‍ന്നാല്‍ പ്രേമലുവാകും. അവര്‍ക്കിടയിലെ രസകരമായ നിമിഷങ്ങളാണ് പ്രേമലു കാഴ്ചക്കാര്‍ക്ക് സമ്മാനിക്കുന്നത്.
വളരെ മനോഹരമായൊരു മേക്കിംഗ് രീതിയാണ് േ്രപമലുവിന്റേത്. പുതുതലമുറ സിനിമാ പ്രേക്ഷകരെ വളരെയധികം ആകര്‍ഷിക്കുന്നതോടൊപ്പം സംഭാഷണങ്ങളും തമാശയുമൊക്കെ മികച്ച രീതിയില്‍ പ്രേക്ഷകര്‍ക്കിടയില്‍ വര്‍ക്കൗട്ട് ചെയ്യിക്കുന്ന വിധത്തില്‍ അവതരിപ്പിക്കാന്‍ സാധിച്ചിട്ടുണ്ട്.
നസ്‌ലിന്റെ ഗഫൂറിന്റെ സചിനും മമിത ബൈജുവിന്റെ റീനുവും മാത്രമല്ല സംഗീത് പ്രതാപിന്റെ അമല്‍ ഡേവിസും മീനാക്ഷി രവീന്ദ്രന്റെ നീഹാരികയും ശ്യാം മോഹന്റെ ആദിയും അഖില ഭാര്‍ഗവന്റെ കാര്‍ത്തികയും ഉള്‍പ്പെടെ എല്ലാ കഥാപാത്രങ്ങളും മികവുറ്റ അഭിനയമാണ് കാഴ്ചവെച്ചത്.അടുത്ത ബഹ്‌ഗത്തിൽ ആരൊക്കെ ഉണ്ടാകും എന്നറിയാനുള്ള കാത്തിരിപ്പിലാണ് ആരാധകർ.
content highlight: Premalu movie update
