അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഡാ തടിയാ എന്ന ഒറ്റ ചിത്രത്തിലൂടെ തന്നെ പ്രേക്ഷക ശ്രദ്ധ നേടിയ നടനാണ് ശേഖര്‍ മേനോന്. നടന്‍ എന്നതിനപ്പുറം, ഡിജെ എന്ന നിലയിലാണ് അദ്ദേഹം തന്റെ കരിയറില്‍ ശോഭിച്ചത്. ഇന്ന് ശേഖര്‍ മേനോന്റെ ഭാര്യയുടെ ജന്മദിനമാണ്. പ്രിയപ്പെട്ടവള്‍ക്ക് ജന്മദിനാശംസകള്‍ അറിയിച്ച് ശേഖര്‍ മേനോന് ഇന്‍സ്റ്റഗ്രാമില്‍ എത്തി.
‘നിന്നെ കിട്ടിയതില്‍ ഞാന്‍ ഭാഗ്യവാനാണ്. എല്ലാ വിധത്തിലും നീ എന്നെ പൂര്‍ണനാക്കുന്നു, ഈ ദിവസം നീയെന്ന അവിശ്വസിനീയമായ സ്ത്രീയെ ആഘോഷിക്കാന്‍ ഞാന്‍ ആഗ്രഹിക്കുന്നു. എന്റെ ലോകത്തെ പ്രകാശിപ്പിക്കുന്ന വെളിച്ചമാണ് നീ, എന്റെ സൂര്യപ്രകാശം. എന്നോടും നമ്മളുടെ കുടുംബത്തോടും നീ പങ്കിടുന്ന നിരുപാധിക സ്‌നേഹം ഞാന്‍ ആഗ്രഹിക്കുന്നതിലും അപ്പുറമാണ്. പ്രധാനപ്പെട്ട എല്ലാത്തിനോടും എന്നെ ബന്ധിപ്പിക്കുന്ന ഈഥര്‍. ജന്മദിനാശംസകള്‍ ഈഥര്‍, നീ ഇല്ലാതെ എനിക്കൊന്നും പൂര്‍ണമായി തോന്നുന്നില്ല. നീ നീയായിരിക്കുന്നതിന് നന്ദി, നിന്നെ എനിക്ക് എത്രത്തോളം ഇഷ്ടമാണെന്ന് നിനക്കൊരിക്കലും ഊഹിക്കാന്‍ കഴിയില്ല’ എന്നാണ് ശേഖര്‍ മേനോന് കുറിച്ചത്.
ലവ് ലൈറ്റ് ഈഥര്‍ എന്നാണ് ശേഖര്‍ മേനോന്റെ ഭാര്യയുടെ ഇന്‍സ്റ്റഗ്രാം പ്രൊഫൈല്‍. ജെയിമി എന്നാണ് പേര്. ഭാര്യയുടെയും മക്കളുടെയും ഫോട്ടോയ്‌ക്കൊപ്പം ശേഖര്‍ മേനോന് പങ്കുവച്ച പോസ്റ്റിന് താഴെ ആശംസകളുമായി നിരവധി കമന്റുകളാണ് എത്തുന്നത്. ഞാന്‍ നിങ്ങളെയും നിങ്ങളുടെ രണ്ട് മക്കളെയും സ്‌നേഹിക്കുന്നു, ഉമ്മാ..’ എന്ന് പറഞ്ഞാണ് നടി അപര്‍ണ ഗോപിനാഥിന്റെ കമന്റ്.
സൗണ്ട് എന്‍ജിനിയറായ ശേഖര്‍ മേനോന് പബില്‍ ഡിജെ ആയിട്ടാണ് കരിയര്‍ ആരംഭിച്ചത്. കേരളത്തില്‍ അഞ്ഞൂറിലധികം സ്റ്റേജുകളില്‍ ഡിജെ ചെയ്ത ശേഖര്‍ ഋതു എന്ന ചിത്രത്തില്‍ ഡിജെ ആയി തന്നെ സിനിമയിലേക്കെത്തി. ഡാ തടിയാ എന്ന ആഷിഖ് അബു ചിത്രത്തിലെ നായക വേഷമാണ് ശേഖര്‍ മേനോന് നടന്‍ എന്ന നിലയിലുള്ള ഐഡന്റിറ്റി നേടിക്കൊടുത്തത്. കടല്‍ കടന്നൊരു മാത്തുക്കുട്ടി, ഗ്യാങ്‌സ്റ്റര്‍ പോലുള്ള നിരവധി സിനിമകളില്‍ പിന്നീട് അഭിനയിച്ചു. 2008 ല്‍ ആണ് ജെയിമിയുടെയും വിവാഹം കഴിഞ്ഞത്. രണ്ട് പെണ്‍കുട്ടികളാണ് ഇവര്‍ക്ക്.
content highlight: Shekhar Menon
