അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇൻസ്റ്റഗ്രാമിൽ ബ്ലോക്ക് ചെയ്തതിന് വിദ്യാർത്ഥിനിയെ വഴിതടഞ്ഞ് അസഭ്യം പറയുകയും മർദിക്കുകയും ചെയ്ത യുവാവ് അറസ്റ്റിൽ. ചെങ്ങോട്ടുകാവ് മേലൂർ കച്ചേരിപ്പാറ കൊളപ്പുറത്ത് സജിൽ ആണ് പിടിയിലായത്. മൂടാടിയിലെ സ്വകാര്യ കോളജിലെ വിദ്യാർഥിനിയാണ് യുവാവിനെതിരെ പരാതി നൽകിയത്.
പ്രതി വിദേശത്തുനിന്നു പെൺകുട്ടിക്ക് ഇൻസ്റ്റഗ്രാമിൽ സ്ഥിരമായി മെസേജ് അയച്ച് ശല്യം ചെയ്തിരുന്നു. ഇതോടെ പെൺകുട്ടി ഇയാളെ ബ്ലോക്ക് ചെയ്തു. ഇന്നലെ ക്ലാസ് കഴിഞ്ഞു മടങ്ങവെ വീടിനു സമീപം തടഞ്ഞു നിർത്തിയ സജിൽ ഇൻസ്റ്റഗ്രാമിൽ ബ്ലോക്ക് ചെയ്തുവെന്ന് ആരോപിച്ച് മോശമായി പെരുമാറുകയും മർദിച്ചെന്നുമാണ് പരാതി.
രണ്ട് ദിവസം മുമ്പാണ് സജിൽ വിദേശത്ത് നിന്ന് എത്തിയത്. പരിക്കേറ്റ പെൺകുട്ടി കൊയിലാണ്ടി പോലീസിൽ പരാതി നൽകിയിരുന്നു. ഇതിന് പിന്നാലെയാണ് സജിലിനെ പോലീസ് അറസ്റ്റ് ചെയ്തത്.
SDTORY HIGHLIGHT: instagram harassment
