കമ്പമലയിൽ പുൽമേടിനു തീയിട്ടെന്നു സംശയിക്കുന്നയാളെ പിടികൂടി വനംവകുപ്പ്. തൃശിലേരി തച്ചറക്കൊല്ലി ഉന്നതിയിലെ വെള്ളച്ചാലിൽ വീട്ടിൽ സുധീഷാണ് പിടിയിലായത്. അസ്വാഭാവിക സാഹചര്യത്തിൽ വനത്തിൽ വീണ്ടും തീ പടർന്നതോടെ തിരച്ചിൽ നടത്തിയപ്പോഴാണു സുധീഷ് പിടിയിലായത്. ഇയാളെ തിരുനെല്ലി പോലീസിനു കൈമാറും.
ഇന്നലെ കാട്ടുതീ പടർന്ന പ്രദേശത്തിനു തൊട്ടടുത്ത് ഇന്ന് വീണ്ടും തീ പടർന്നിരുന്നു. അഗ്നിരക്ഷാ സേനയും വനപാലകരും ചേർന്നാണു തീയണച്ചത്. വയനാട് തലപ്പുഴ മുനീശ്വരൻ കുന്നിലെ റവന്യൂ ഭൂമിയിലും ഇന്നു തീപിടിച്ചിരുന്നു. മുൻപ് വിവിധ കേസുകളിൽ സുധീഷ് പ്രതിയാണെന്നു പോലീസ് പറഞ്ഞു.
STORY HIGHLIGHT: kerala forest fire suspect arrested