അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരു കിടിലൻ സ്നാക്ക്സ് റെസിപ്പി നോക്കിയാലോ? രുചികരമായി തയ്യാറാക്കാവുന്ന ചപ്പാത്തി എഗ് റോൾ റെസിപ്പി നോക്കാം.
ആവശ്യമായ ചേരുവകൾ
- ബാക്കി വന്ന ചപ്പാത്തി
- മുട്ട- മൂന്ന് എണ്ണം (ഒരെണ്ണം പുഴുങ്ങിയതാവണം)
- എണ്ണ; 3 ടേബിൾ സ്പൂൺ
- വറ്റൽമുളക്; 2 എണ്ണം
- മുളക്പൊടി; എരിവിന് അനുസരിച്ച്
- മഞ്ഞൾപ്പൊടി; 2 ടീ സ്പൂൺ
- സവാള; ഒരെണ്ണം
- കാപ്സിക്കം; ഒരെണ്ണം
- വെളുത്തുള്ളി; അഞ്ച് അല്ലി
തയ്യാറാക്കുന്ന വിധം
ആദ്യമായി ഒരു പാൻ അടുപ്പിൽ വെച്ച ശേഷം അൽപ്പം എണ്ണ ഒഴിച്ച് ചൂടാക്കി എടുക്കുക. ഇനി ഇതിലേക്ക് മുളകുപൊടി, മഞ്ഞൾപ്പൊടി, വറ്റൽമുളക് എന്നിവ ചതച്ചത് ചേർക്കുക. ശേഷം സവാള, കാപ്സിക്കം, വെളുത്തുള്ളി എന്നിവ അരിഞ്ഞുവെച്ചത് ഇതിലേക്ക് ചേർത്ത് നല്ലതുപോലെ വഴറ്റിയെടുക്കണം.ഇനി പുഴുങ്ങിയെടുത്ത മുട്ട മുറിച്ച് ഇതിലേക്ക് ചേർക്കാം. മുട്ട ചേർത്ത് നന്നായി ഇളക്കിയ ശേഷം അടുപ്പിൽ നിന്നും ഇത് മാറ്റാവുന്നതാണ്.
ഇനി പാനിലേക്ക് അൽപം വെളിച്ചെണ്ണ ഒഴിച്ച് രണ്ട് മുട്ട പൊട്ടിച്ച് ഒഴിക്കുക.ഈ മുട്ട വെന്തുവരുമ്പോൾ മുട്ടയ്ക്ക് മുകളിലേക്ക് ചപ്പാത്തി വെച്ച് വേവിച്ചെടുക്കണം. ശേഷം ഇതിന്റെ ഉള്ളിലേക്ക് പുഴുങ്ങിയ മുട്ട ചേർത്തിട്ടുള്ള മിക്സ് ചേർക്കുക. ഇനിയിത് റോൾ ആക്കിയെടുക്കാം. ഇതോടെ സ്വാദിഷ്ടമായ എഗ് റോൾ റെഡി. കുട്ടികൾക്കും മുതിർന്നവർക്കും ഇത് ഒരുപോലെ ഇഷ്ടപ്പെടുമെന്നതിൽ സംശയം വേണ്ട. കുട്ടികൾക്ക് സ്‌കൂൾ സ്നാക്കായും വൈകിട്ട് പലഹാരമായുമൊക്കെ ഇത് തയ്യാറാക്കാവുന്നതാണ്. ടൊമാറ്റോ, ചില്ലി സോസ് ചേർത്ത് എഗ് റോൾ കഴിക്കുന്നത് സ്വാദ് ഇരട്ടിയാക്കും.
