അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എല്ലാവർക്കും ഇഷ്ടമുള്ള രുചികരമായ കൊതിയൂറുന്നൊരു നാലുമണിപ്പലഹാരമാണ് ഏത്തയ്ക്കാപ്പം. ഏത്തയ്ക്കാപ്പം ഇഷ്ടപ്പെടാത്തവരായി ആരും തന്നെ ഇല്ലെന്ന് പറയാം. ഏത്തയ്ക്കാപ്പം എങ്ങനെ തയ്യാറാക്കാം എന്ന് നോക്കിയാലോ.
ചേരുവകൾ
- ഏത്തയ്ക്ക പഴുത്തത് – 2 എണ്ണം
- മൈദ – ഒരു കപ്പ്
- അരിപ്പൊടി – അര കപ്പ്
- പഞ്ചസാര – രണ്ടു ടേബിൾ സ്പൂൺ
- ഉപ്പ് – ഒരു നുള്ള്
- ബേക്കിങ് സോഡ – ഒരു നുളള്
- ജീരകം – ഒരു നുള്ള്
- എണ്ണ – വറുക്കാൻ ആവശ്യത്തിന്
- വെള്ളം – ആവശ്യത്തിന്
തയ്യാറാക്കുന്ന വിധം
തൊലി കളഞ്ഞ പഴം രണ്ടായി മുറിച്ചെടുത്ത് മാറ്റി വെയ്ക്കുക. മൈദ ഒരു പാത്രത്തിലേക്ക് പകരുക. അതിലേക്ക് അരിപ്പൊടിയും പഞ്ചസാരയും ചേർക്കുക. ഇതിലേക്ക് വെള്ളം അൽപാൽപം വീതം ചേർത്ത് കട്ടിയുള്ള മാവു തയാറാക്കണം. ചേരുവകൾ കുറുകി നല്ല പാകമായി കഴിയുമ്പോൾ അതിലേക്ക് ഒരു നുള്ള് ബേക്കിങ് സോഡയും ജീരകവും ചേർത്ത് നന്നായി ഇളക്കുക. പാനിലേക്ക് ആവശ്യത്തിന് എണ്ണ ഒഴിച്ചു ചൂടാക്കുക. എണ്ണ ചൂടായി കഴിയുമ്പോൾ അരിഞ്ഞു വെച്ചിരിക്കുന്ന പഴ കഷ്ണങ്ങൾ മാവിൽ മുക്കി എണ്ണയിൽ കരുകരുപ്പായി വറുത്തു കോരുക.
STORY HIGHLIGHT: banana fry
