മലയാള സിനിമയ്ക്ക് ഇന്നും ഷീലാമ്മയെ കഴിഞ്ഞിട്ടേ മലയാളത്തില്‍ മറ്റൊരു നായിക നടിയുള്ളൂ. നായികാ സങ്കല്‍പങ്ങളെ പൂര്‍ത്തിയാക്കിയ, മാറുന്ന മലയാള സിനിമയെ മനസ്സിലാക്കുന്ന നടി. അഭിനയത്തില്‍ നിന്ന് മാറി നില്‍ക്കുകയാണെങ്കിലും ഷീലാമ്മ ഇന്നും തിരക്കുകളുടെ ലോകത്താണ്. ഇപ്പോഴത്തെ ജീവിതം പൂര്‍ണമായും ആസ്വദിക്കുകയാണ് എന്ന് ഷീല പറഞ്ഞു.
അഭിനയം നിര്‍ത്തിയതിന് ശേഷം മനസ്സിനക്കരെ എന്ന ചിത്രത്തിലൂടെയാണ് തിരിച്ചുവന്നത്. അന്ന് മലയാള സിനിമയിലെ മാറ്റം ശരിക്കും അത്ഭുതപ്പെടുത്തി. ഞാനൊക്കെ എവിടെ പോയാലും ഒരു മേഡിനെ കൂടെ കൂട്ടുമായിരുന്നു. തനിച്ച് എവിടെയും നില്‍ക്കില്ല. പക്ഷേ നയന്‍താര, ജ്യോതിക പോലുള്ള നടിമാരൊക്കെ ഒറ്റയ്ക്ക് വരുന്നു, എല്ലാം ഒറ്റയ്ക്ക് ചെയ്യുന്ന, സഹായത്തിന് വേറെ ആളുകളെ കൊണ്ടുവരുന്നുണ്ടെങ്കിലം അവര്‍ക്കൊക്കെ വേറെ മുറിയെടുത്തു കൊടുക്കുന്നു. അപ്പോള്‍ എനിക്ക് തോന്നി, ഈ ചെറുപ്പക്കാരികള്‍ ഇങ്ങനെ ചെയ്യുന്നുണ്ടെങ്കില്‍ എന്തുകൊണ്ട് എനിക്ക് പറ്റില്ല എന്ന്. അന്ന് മുതല്‍ ഇനി കൂട്ടിന് ഒരാള്‍ വേണ്ട എന്ന് തീരുമാനിച്ചു. ഇപ്പോള്‍ എവിടെ പോകുന്നതും തനിച്ചാണ്. അത് ആസ്വദിക്കുകയും ചെയ്യുന്നു എന്ന് ഷീലാമ്മ പറഞ്ഞു.
ബ്യൂട്ടി പാര്‍ലറില്‍ പോകാന്‍ തുടങ്ങിയതും ഒരിടവേള കഴിഞ്ഞ്് തിരിച്ചു വന്നതിന് ശേഷമാണത്രെ. അതുവരെ ബ്യൂട്ടി പാര്‍ലര്‍ എന്താണെന്ന് പോലും അറിയില്ലായിരുന്നു. നേരമുണ്ടായിരുന്നില്ല എന്നതാണ് സത്യം. ബ്യൂട്ടി പാരില്‍റില്‍ പോകാന്‍ ഒരു ദിവസത്തിന്റെ പകുതി വേണം, അന്ന് ആ സമയം ഉണ്ടായിരുന്നേല്‍ ഒരു സിനിമ തീര്‍ക്കാം എന്നതായിരുന്നു. കെമിക്കലായിട്ടുള്ള ഒരു സാധനവും ഇന്നും സൗന്ദര്യത്തിന് വേണ്ടി ചെയ്യാറില്ല എന്നും ഷീല പറഞ്ഞു. മുഖത്ത് എണ്ണ പുരട്ടും, കുറച്ച് ഗ്ലിസറിനും അലോവേരയും ഉപയോഗിച്ച് എണ്ണ തടവുന്നത് നല്ലതാണ്. പിന്നെ ധാരാളം വെള്ളം കുടിക്കും. നടക്കും, അതിനപ്പുറം ഒന്നും ചെയ്യാറില്ല എന്നാണ് 79 കാരിയായ ഷീല പറയുന്നത്.
ഇപ്പോള്‍ വരയാണ് ഷീലയുടെ ലോകം. ധാരാളം വരയ്ക്കുന്നുണ്ട്, വലിയ ആര്‍ട്ടിസ്റ്റ് ഒന്നുമല്ല. എന്റെ പേരിന് കിട്ടുന്ന വാല്യു ആണ്. വരച്ച് എക്‌സിബിഷന്‍ നടത്തും. അതില്‍ നിന്ന് കിട്ടുന്ന കാശ് പ്രളയ ബാധിതര്‍ക്കും, കാന്‍സര്‍ രോഗികള്‍ക്കുമൊക്കെയാണ് നല്‍കുന്നത്. ഇപ്പോള്‍ ജീവിതത്തില്‍ ഒരുപാട് സുഹൃത്തുക്കളുണ്ട്. അഭിനയത്തില്‍ സജീവമായിരുന്ന കാലത്ത് ഒറ്റ സുഹൃത്തും ഉണ്ടായിരുന്നില്ല. അതിന്റെ എല്ലാ കുറവുകളും പരിഹരിക്കാന്‍ ഇപ്പോള്‍ ധാരാളം സുഹൃത്തുക്കളെ ഉണ്ടാക്കി. അവര്‍ക്കൊപ്പം മാളിലൊക്കെ കറങ്ങാന്‍ പോകും. അതൊരു സന്തോഷം- ഷീല പറഞ്ഞു.
content highlight: Actress Sheela beauty