ഒരു പുലാവ് തയ്യാറാക്കിയാലോ. രുചികരമായ ഒരു വെജിറ്റബിൾ പുലാവ് തന്നെ ഉച്ചയ്ക്ക് കഴിക്കാം. അതിനായി ആവശ്യം വേണ്ട ചേരുവകൾ.
ബസുമതി അരി – ഒരു കപ്പ്
സവാള അരിഞ്ഞത് – അര കപ്പ്
ജീരകം, പട്ട, ഗ്രാമ്പൂ, ബേ ലീവ്സ്‌
പച്ചമുളക് പേസ്റ്റ് – ഒരു സ്പൂണ്‍
ഇഞ്ചി പേസ്റ്റ് – ഒന്നര സ്പൂണ്‍
വെളുത്തുള്ളി പേസ്റ്റ് – ഒന്നര സ്പൂണ്‍
ക്യാരറ്റ് – അര കപ്പ്
ഗ്രീന്‍ പീസ് – അര കപ്പ്
ബീൻസ് – അര കപ്പ്
ചെറുനാരങ്ങ നീര് – മൂന്ന് സ്പൂണ്‍
ഓയില്‍ – മൂന്ന് സ്പൂണ്‍
തയ്യാറാക്കുന്നതിനായി വിധം ഒരു പാത്രത്തില്‍ എണ്ണ ഒഴിച്ച് ജീരകം ,പട്ട, ഗ്രാമ്പൂ, ബേ ലീവ്സ്‌ എന്നിവ ഇടുക. ശേഷം സവാള അരിഞ്ഞത്, ഇഞ്ചി പേസ്റ്റ്, വെളുത്തുള്ളി പേസ്റ്റ്, പച്ചമുളക് പേസ്റ്റ് എന്നിവയും ചേർക്കണം. കൂടെ പച്ചക്കറികളും ഇട്ട് നല്ലതുപോലെ ഇളക്കി അടച്ചു വച്ച് വേവിക്കുക . ശേഷം അതിലേക്കു അരി, അണ്ടിപ്പരിപ്പ്, മുന്തിരി , ആവശ്യത്തിനു ഉപ്പും ചെറുനാരങ്ങ നീരും കൂടി ചേർത്ത് നന്നായി ഇളക്കി മൂന്നു മിനിറ്റ് അടച്ചു വച്ച് വേവിക്കുക. രണ്ടു കപ്പ് വെള്ളം ചേർക്കാം. വെള്ളം വറ്റുന്നവരെ വരെ വേവിക്കാം. രുചികരമായ പുലാവ് റെഡി.