അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബൈക്കില്‍ അഭ്യാസപ്രകടനം വീഡിയോ വൈറലായതിന് പിന്നാലെ നടപടിയുമായി പോലീസ്. മധ്യപ്രദേശിലെ ഭോപാലിലെ വി.ഐ.പി. റോഡില്‍ മൂന്നുപേരുമായി ബൈക്കില്‍ അഭ്യാസപ്രകടനം നടത്തിയ സംഭവത്തിലാണ് രണ്ടുയുവാക്കളെ പോലീസ് അറസ്റ്റ് ചെയ്തത്. എന്നാൽ ഇവര്‍ക്കൊപ്പം ബൈക്കിലുണ്ടായിരുന്ന യുവതി ഒളിവിലാണെന്നും പോലീസ് പറഞ്ഞു. വാഹനമോടിച്ചിരുന്ന ഋതിക് യാദവ്, സുമിത് കുമാര്‍ എന്നിവരെയാണ് പോലീസ് അറസ്റ്റ് ചെയ്തിരിക്കുന്നത്.
കഴിഞ്ഞദിവസങ്ങളിലാണ് മൂന്നുപേരും ബൈക്കില്‍ അപകടകരമായരീതിയില്‍ അഭ്യാസപ്രകടനം നടത്തുന്നതിന്റെ വീഡിയോ സാമൂഹികമാധ്യമങ്ങളില്‍ പ്രചരിച്ചത്. യുവതിയെ മധ്യത്തിലിരുത്തി ബഹളമുണ്ടാക്കിയായിരുന്നു ഇവരുടെ യാത്ര. എന്നാൽ വീഡിയോ വൈറലായതിന് പിന്നാലെ ഭോപാല്‍ ട്രാഫിക് പോലീസ് കേസെടുക്കുകയായിരുന്നു. ഋതിക് ആണ് വാഹനമോടിച്ചിരുന്നത്.
ഇയാളുടെ ലൈസന്‍സ് റദ്ദാക്കാനായി മോട്ടോര്‍ വാഹനവകുപ്പിന് നിര്‍ദേശം നല്‍കുമെന്നും പോലീസ് അറിയിച്ചു. എന്നാൽ യുവതിയെക്കുറിച്ചുള്ള വിവരങ്ങള്‍ പോലീസ് വ്യക്തമാക്കിയിട്ടില്ല.
STORY HIGHLIGHT: bhopal bike stunting video
