ബാലതാരമായി അഭിനയ ലോകത്തേക്ക് എത്തിയതാണ് മഞ്ജിമ മോഹന്‍. ഒരു വടക്കന്‍ സെല്‍ഫി എന്ന ചിത്രത്തിലൂടെ നായികയായി, അതിന് ശേഷം തമിഴ് സിനിമയിലേക്ക് പോയ താരം, തെലുങ്കിലും സജീവമായി. സിനിമയോടുള്ള അടങ്ങാത്ത ആഗ്രഹത്താല്‍ തന്നെയാണ് പഠനം പൂര്‍ത്തിയാക്കിയ ശേഷം മഞ്ജിമ സിനിമയിലേക്ക് എത്തിയത്. ഗൗതം വാസുദേവ മേനോന്റെ സിനിമയില്‍ അഭിനയിക്കണം എന്നതും പഠിക്കുന്ന കാലത്തെ വലിയ മോഹമായിരുന്നുഎന്ന് മഞ്ജിമ മോഹന്‍ പറയുന്നു.
തെലുങ്കിലും തമിഴിലുമായി പുറത്തിറങ്ങിയ അച്ചം എന്‍പത് മടമയെടാ എന്ന ചിത്രത്തിന് ശേഷം തെലുങ്കില്‍ നിന്നും തമിഴില്‍ നിന്നും ധാരാളം അവസരങ്ങള്‍ വന്നു. പക്ഷേ, എനിക്ക് കംഫര്‍ട്ട് അല്ലാത്ത വേഷം ധരിക്കാന്‍ ഞാന്‍ തയ്യാറാവാത്തത് കൊണ്ട് മാത്രം പല അവസരങ്ങളും നഷ്ടപ്പെട്ടു. അച്ചം എന്‍പത് മടിമയെടാ എന്ന ചിത്രത്തില്‍ സെലക്ട് ആയപ്പോള്‍ തന്നെ, ഓണ്‍സ്‌ക്രീന്‍ ഇന്റിമേറ്റ് രംഗങ്ങള്‍ ചെയ്യാന്‍ ഞാന്‍ തയ്യാറല്ല എന്ന് ആദ്യമേ ഗൗതം സാറിനോട് പറഞ്ഞിരുന്നു. അദ്ദേഹം അത് മനസ്സിലാക്കി, നിങ്ങളുടെ കംഫര്‍ട്ടില്‍ മാത്രമേ ചിത്രീകരിക്കുകയുള്ളൂ എന്ന് പറഞ്ഞു.
പക്ഷേ എല്ലാ സംവിധായകരും അങ്ങനെയല്ല. എനിക്ക് വന്ന റോളുകളില്‍ കംഫര്‍ട്ട് ആകാത്ത വേഷമോ, സീനോ ഉണ്ടെങ്കില്‍ വളരെ അധികം ബഹുമാനത്തോടെ തന്നെ ഞാന്‍ ഒഴിവാക്കിയിട്ടുണ്ട്. അതില്‍ കുറ്റബോധമോ പരാതിയോ ഇല്ല. ഒരുപക്ഷേ ഇന്നായിരുന്നുവെങ്കില്‍ ആരും അത്തരം കാര്യങ്ങള്‍ സസൂഷ്മം നിരീക്ഷിക്കില്ലായിരുന്നു. അന്ന് ചെയ്തത് തെറ്റായിരുന്നു എന്ന് എനിക്ക് തോന്നിയിട്ടും ഇല്ല. അങ്ങനെ പോയ റോളുകളെ കുറിച്ചോര്‍ത്ത് വിഷമിക്കുന്നുമില്ല.
പക്ഷേ ഇന്റസ്ട്രിയാണ്, നമ്മളൊരു കാര്യം ചെയ്യുകയോ പറയുകയോ ചെയ്താല്‍ പെട്ടന്ന് അത് പരക്കും. എന്റെ അടുത്ത് വരാതെ തന്നെ, ഹോ അവരങ്ങനെയുള്ള റോളുകള്‍ ചെയ്യില്ല എന്ന് പറഞ്ഞ് മുടക്കിയവരുണ്ട്. ഒരു പക്ഷേ നേരിട്ട് എന്റെഅടുത്ത് വന്ന് സംസാരിച്ചിരുന്നെങ്കില്‍ കഥയില്‍ എന്തെങ്കിലും മാറ്റം വരുത്താനോ, ഡ്രസ്സിങില് മാറ്റം വരുത്താനോ, ഞാന്‍ മാറി ചിന്തിക്കാനോ തന്നെ സാധ്യതകളുണ്ട്. എന്നാല്‍ അതിനുള്ള അവസരം പോലും തരാതിരിക്കുന്നത് വേദനിപ്പിച്ചിട്ടുണ്ട്.
എനിക്ക് പറ്റില്ല എന്ന് ഞാന്‍ പറയുന്നത് എന്റെ ചോയിസ് ആണ്, അത് മറ്റൊരാള്‍ ഏറ്റെടുക്കുന്നതാണ് പ്രശ്‌നം. മൂന്നാമതൊരാള്‍ നമ്മുടെ കാര്യത്തില്‍ തീരുമാനം എടുക്കുന്നത് വേദനിപ്പിക്കും. അതും നമ്മുടെ നിയന്ത്രണത്തിലേ ഇല്ലാത്ത ഒരാള്‍ തീരുമാനം എടുക്കുന്നത് അത് നമ്മളെ ബാധിക്കും- മഞ്ജിമ മോഹന്‍ പറഞ്ഞു.
content highlight: Manjima Mohan