നട്സും സീഡ്സും കഴിച്ച് ഒരു ദിവസം ആരംഭിക്കു; ഗുണങ്ങള്‍ ഏറെ | Nuts and seeds

പോഷകസമൃദ്ധമായ പ്രഭാത ഭക്ഷണം ഒരു ദിവസം ആരംഭിക്കാൻ ശരീരത്തെ സഹായിക്കുന്ന പ്രധാനഘടകമാണ്. മികച്ച ഉത്പാദനക്ഷമതയും ഊർജ്ജസ്വലതയും ഉറപ്പാക്കാനും ഇത് സഹായിക്കുന്നു.

അതുകൊണ്ട് തന്നെ നിങ്ങൾ സമീകൃതവും പോഷകസമൃദ്ധവുമായ പ്രഭാത ഭക്ഷണം കഴിക്കുന്നുണ്ടെന്ന് ഉറപ്പാക്കേണ്ടത് അത്യാവശ്യമാണ്. ഒരു ​ദിവസം ആരംഭിക്കുമ്പോൾ ഒരു പിടി നട്സും സീഡ്സും കഴിച്ച് ദിവസം ആരംഭിക്കുന്നതിന് നിരവധി ഗുണങ്ങളുണ്ട്. ഇത് കൂടുതൽ നേരം സംതൃപ്തിയോടെ നിലനിർത്താനും സുസ്ഥിരമായ ഊർജ്ജ നില നൽകാനും സഹായിക്കും.

പ്രഭാത ഭക്ഷണത്തിൽ നട്സും സീഡ്സും ഉപയോ​ഗിക്കുന്നതിലുള്ള ​ഗുണങ്ങൾ നോക്കാം,

• ഉയർന്ന പോഷകമൂല്യം:
  വിറ്റാമിനുകൾ (ഇ, ബി വിറ്റാമിനുകൾ പോലുള്ളവ), ധാതുക്കൾ (മഗ്നീഷ്യം, സിങ്ക്, സെലിനിയം പോലുള്ളവ), ആരോഗ്യകരമായ കൊഴുപ്പുകൾ, പ്രോട്ടീൻ, നാരുകൾ എന്നിവയുൾപ്പെടെയുള്ള അവശ്യ പോഷകങ്ങളാൽ സമൃദ്ധമാണ് നട്സുകളും സീഡുകളും.
• വേഗത്തിലുള്ള ഊർജ്ജ വർധനവ്:
  നട്സിലും വിത്തുകളിലും ആരോ​ഗ്യകരമായ കൊഴുപ്പുകളും പ്രോട്ടീനുകളും അടങ്ങിയിട്ടുണ്ട്. ഇത് സ്ഥിരമായ ഊർജ്ജ നില നൽകാൻ സഹായിക്കും.
• നിങ്ങളുടെ പ്രഭാത ഭക്ഷണത്തിൽ ഇവ ചേർക്കുന്നത് രാവിലെ മുഴുവൻ വയറുനിറയാനും സംതൃപ്തി തോന്നാനും സഹായിക്കും. അനാരോ​ഗ്യകരമായ ലഘുഭക്ഷണങ്ങളോടുള്ള ആസക്തി കുറയ്ക്കാനും ഇത് സഹായിക്കും.
• ഹൃദയാരോഗ്യം മെച്ചപ്പെടുത്തുന്നു:
  ഹൃദയാരോഗ്യം മെച്ചപ്പെടുത്തുമെന്ന് അറിയപ്പെടുന്ന ഒമേഗ-3 ഫാറ്റി ആസിഡുകളും ആന്റിഓക്‌സിഡന്റുകളും ധാരാളം നട്‌സുകളിലും സീഡുകളിലും അടങ്ങിയിട്ടുണ്ട്. ഇവ പതിവായി കഴിക്കുന്നത് കൊളസ്‌ട്രോളിന്റെ അളവ് കുറയ്ക്കാൻ സഹായിക്കുകയും. ഹൃദ്രോഗ സാധ്യത കുറയ്ക്കുകയും ചെയ്യും.
• ശരീരഭാരം നിയന്ത്രിക്കുന്നു:
  കലോറി കൂടുതലാണെങ്കിലും നട്സും വിത്തുകളും ശരീരഭാരം നിയന്ത്രിക്കാൻ ഗുണം ചെയ്യും. നട്സിലും വിത്തുകളിലും അടങ്ങിയിരിക്കുന്ന പ്രോട്ടീൻ, നാരുകൾ, ആരോഗ്യകരമായ കൊഴുപ്പുകൾ എന്നിവ ഏറെ നേരം വയറ് നിറഞ്ഞതായി തോന്നാന്‍ സഹായിക്കുന്നു.
• ആരോഗ്യകരമായ രക്തത്തിലെ പഞ്ചസാരയുടെ അളവ് പ്രോത്സാഹിപ്പിക്കുന്നു:
• പ്രമേഹമുള്ളവർക്ക് നട്‌സും വിത്തുകളും ഒരു മികച്ച ലഘുഭക്ഷണ ഓപ്ഷനാണ്. പ്രമേഹമുള്ളവരിൽ രക്തത്തിലെ പഞ്ചസാരയുടെ അളവ് നിയന്ത്രിക്കാനും ഉപാപചയ രോഗങ്ങളുടെ സാധ്യത കുറയ്ക്കാനും നട്‌സിന് കഴിയുമെന്ന് ചില പഠനങ്ങൾ സൂചിപ്പിക്കുന്നു.
• ബദാം, വാൽനട്ട്, ചിയ വിത്തുകൾ, ചണവിത്ത്, മത്തങ്ങ വിത്തുകൾ, സൂര്യകാന്തി വിത്തുകൾ തുടങ്ങിയവ പ്രഭാതഭക്ഷണത്തിൽ ചേർക്കാൻ ഏറ്റവും നല്ല നട്സും സീഡ്സുകളുമാണ്.

content highlight: Nuts and seeds