അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം വർക്കലയിൽ സ്കൂളിൽ അതിക്രമം നടത്തിയ 20 വയസുകാരൻ പൊലീസിന്റെ പിടിയിൽ. തോണിപ്പാറ സ്വദേശിയായ രഞ്ജിത്താണ് പോലീസ് പിടിയിലായത്. വർക്കല ഹരിഹരപുരം സെന്റ് തോമസ് യു പി സ്കൂളിലായിരുന്നു സംഭവം. പ്രതി ലഹരിക്ക് അടിമയാണെന്ന് പോലീസ് പറഞ്ഞു.
സ്കൂൾ വിദ്യാർത്ഥികളുമായി പുറത്തേക്ക് പോകാൻ തയ്യാറായി നിന്ന കാറിൻ്റെ ചില്ലുകൾ അടിച്ച് തകർത്ത് പ്രതി കുട്ടികളെ ഭയപ്പെടുത്തുകയായിരുന്നു. രണ്ട് യുവാക്കളോടൊപ്പം ബൈക്കിൽ സ്കൂളിൻ്റെ മുൻവശത്ത് വന്നിറങ്ങുകയായിരുന്നു അക്രമി. ഇത് കണ്ട് സ്കൂൾ ഹെഡ്മാസ്റ്റർ യുവാവിനെ താക്കീത് നൽകുകയും പുറത്തേക്ക് പോകാൻ ആവശ്യപ്പെടുകയും ചെയ്തു. ഇതിൽ പ്രകോപിതനായ യുവാവ് ഹെഡ്മാസ്റ്ററെ കുട്ടികളുടെ മുന്നിൽ വച്ച് ക്രൂരമായി മർദ്ദിച്ചു.
ളിലേക്ക് അതിക്രമിച്ച് കയറി ജനലുകളും വാതിലുകളിലും ശക്തിയായി അടിച്ചു ശബ്ദമുണ്ടാക്കുകയും ബഹളം വയ്ക്കുകയും ചെയ്ത ശേഷം രക്ഷപെടാൻ ശ്രമിച്ച യുവാവിനെ നാട്ടുകാർ പിന്തുടർന്നാണ് പിടികൂടിയത്. അക്രമത്തിൽ പരിക്കേറ്റ മുങ്ങോട് സ്വദേശിയായ സ്കൂൾ ഹെഡ്മാസ്റ്റർ വർക്കല താലൂക്ക് ആശുപത്രിയിൽ ചികിത്സ തേടി.
STORY HIGHLIGHT: 20 year old arrested
