അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഓംലറ്റിന് ഒട്ടേറെ വകഭേദങ്ങളുണ്ട് സ്പാനിഷ് ഓംലറ്റ്, ഫ്രഞ്ച് ഓംലറ്റ്, ചീസ് ഓംലറ്റ് ഇങ്ങനെ പോകുന്നു ആ ലിസ്റ്റ്. എല്ലാവരും ഒരേപോലെ ഇഷ്ടപ്പെടുന്ന ഓംലെറ്റ് വ്യത്യസ്തമായി തയ്യാറാക്കിയാലോ. ചൈനയില്‍ ഉണ്ടാക്കുന്ന ഒണിയന്‍ റിംഗ് ഓംലറ്റ് എങ്ങനെ തയ്യാറാക്കാം എന്ന് നോക്കിയാലോ.
ചേരുവകൾ
- മുട്ട – 3
- സവാള – 2
- അരിഞ്ഞ ആപ്പിള്‍ – 40 ഗ്രാം
- അരിഞ്ഞ കാരറ്റ് – 40 ഗ്രാം അരിഞ്ഞ
- പച്ച ക്യാപ്സിക്കം – 40 ഗ്രാം
- ഉപ്പ് – ആവശ്യത്തിന്
- കുരുമുളക് പൊടി – അര ടീസ്പൂണ്‍
- ലൈറ്റ് സോയ്‌ സോസ് – 3 ടീസ്പൂണ്‍
- മൈദ – 30 ഗ്രാം
- കോണ്‍സ്റ്റാര്‍ച്ച് – 30 ഗ്രാം
തയ്യാറാക്കുന്ന വിധം
ഒരു സവാള വളരെ ചെറുതായി അരിയുക. രണ്ടാമത്തെ സവാള വട്ടത്തില്‍ അറിഞ്ഞ് റിംഗുകള്‍ ആയി മാറ്റി വയ്ക്കുക. ഒരു പാത്രത്തിലേക്ക് മുട്ട പൊട്ടിച്ച് ഒഴിച്ച് നന്നായി അടിക്കുക. ഇതിലേക്ക് അരിഞ്ഞ ആപ്പിള്‍, അരിഞ്ഞ കാരറ്റ്, അരിഞ്ഞ പച്ച ക്യാപ്സിക്കം, ആവശ്യത്തിന് ഉപ്പ്, കുരുമുളക് പൊടി, ലൈറ്റ് സോയ്‌ സോസ്, മൈദ, കോണ്‍സ്റ്റാര്‍ച്ച് എന്നിവ ചേര്‍ത്ത് നന്നായി മിക്സ് ചെയ്യുക. ഒരു പാന്‍ അടുപ്പത്ത് വച്ച് അതിലേക്ക് ഒണിയന്‍ റിംഗ്സ് ഓരോന്നായി വയ്ക്കുക. ഇതിലേക്ക് ഓംലറ്റ് മിക്സ് അല്‍പ്പാല്‍പ്പമായി ഒഴിക്കുക. ഇത് തിരിച്ചും മറിച്ചും ഇട്ടു വേവിച്ചെടുക്കാം.
STORY HIGHLIGHT: chinese onion omelette
