ചെമ്മീൻ ചക്കക്കുരു മാങ്ങാ മുരിങ്ങക്കായ കറി ഉണ്ടാക്കിയാലോ?. തനി നടൻ വിഭവമാണ്. എങ്ങനെ വീട്ടിൽ ഉണ്ടാക്കാമെന്ന് നോക്കാം.
ആവശ്യ സാധങ്ങൾ
ചെമ്മീൻ – അര കിലോ
മുരിങ്ങക്കായ – 2 എണ്ണം
ചക്കക്കുരു 10 – എണ്ണം
മാങ്ങാ 1 – എണ്ണം
തക്കാളി 2 – എണ്ണം
പച്ചമുളക് 4 – എണ്ണം
കറിവേപ്പില – 2അല്ലി
പുളി – ആവശ്യത്തിന്
ഉപ്പ് – ആവശ്യത്തിന്
ചുവന്നുള്ളി – 4 എണ്ണം
വെള്ളുള്ളി – 5അല്ലി
മഞ്ഞപ്പൊടി – അര ടീസ്പൂൺ
മുളകുപൊടി – 1 അര ടീസ്പൂൺ
മല്ലിപൊടി – 2 ടീസ്പൂൺ
ജീരകപ്പൊടി – അര ടീസ്പൂൺ
വെളിച്ചെണ്ണ – 3 ടേബിൾ സ്പൂൺ
തേങ്ങ – മുക്കാൽ മുറി
ഉണ്ടാക്കുന്ന വിധം
ചട്ടിയിൽ മുരിങ്ങക്കായ, മാങ്ങാ, ചെമ്മീൻ, തക്കാളി, പച്ചമുളക്, വെള്ളുള്ളി 1 അല്ലി, വേപ്പില, കൂടെ ജീരകം പൊടി അല്ലാതെ എല്ലാ മസാലകളും കുറച്ച് പുളിവെള്ളവും ഒഴിച്ചു നന്നായി വേവിച്ചെടുക്കുക. കുക്കറിൽ ചക്കക്കുരു വേവിച്ചു വെക്കുക. തേങ്ങ നന്നായി അരച്ച് അവസാനം2 ചുവന്നുള്ളി കുടി ചേർത്തു അരപ്പ് റെഡിയാക്കി വെയ്ക്കാം.
ചട്ടിയിൽ ഉള്ളത് വെന്താൽ ചക്കക്കുരു വേവിച്ചതും തേങ്ങ അരച്ചതും ജീരകം പൊടിയും ചേർത്ത് ഉപ്പ് പുളി ഒക്കെ നോക്കി അടുപ്പിൽ നിന്നും നന്നായി തിളച്ച ശേഷം ഇറക്കി വെയ്ക്കുക. മാങ്ങാ പുളി അനുസരിച്ചു പുളി വെള്ളം ചേർത്താൽ മതിയാകും. അവസാനം കുറച്ചു വെളിച്ചെണ്ണ ചുടാക്കി ബാക്കി ഉള്ള ചുവന്നുള്ളി അരിഞ്ഞതും വേപ്പിലയും ചേർത്ത് താളിച്ചു എടുക്കുക തനി നാടൻ കറി റെഡിയായി.