അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എമ്പുരാൻ ഫീവറിലാണ് സിനിമാലോകം ഒന്നാകെ. മാർച്ച് 27 ന് റിലീസാകുന്ന ചിത്രത്തിന് റെക്കോർഡ് പ്രീ ബുക്കിങ്ങാണ് ലഭിച്ചിരിക്കുന്നത്. എന്നാൽ ഇപ്പോൾ വൈറലായിരിക്കുന്നത് ലാലേട്ടന്റെ ഒരു മാസ് മറുപടിയാണ്. തെലുങ്ക് മാധ്യമ പ്രവർത്തകയുടെ ചോദ്യത്തിന് പൃഥ്വിരാജും മോഹൻലാലും നൽകിയ മറിപടിയാണ് വൈറലായിരിക്കുന്നത്.
എന്തിനാണ് എമ്പുരാൻ എന്ന സിനിമക്ക് തെലുങ്കിൽ ഇത്ര ഹൈപ്പെന്ന മാധ്യമപ്രവർത്തകയുടെ ചോദ്യത്തിനാണ് മോഹൻലാലും സംവിധായകൻ പൃഥ്വിരാജ് സുകുമാരനും മാസ് മറുപടി നൽകിയത്. ഭാഷയുടെ അതിർവരമ്പുകളില്ലാതെ സിനിമയെ ‘ഗ്ലോബൽ’ ആയി സ്വീകരിക്കുന്നവരാണ് നമ്മളെന്നും, ഒരുമിച്ച് കൂടുതൽ മനോഹരമായ സിനിമകൾ സൃഷ്ടിക്കാമെന്നുമാണ് മോഹൻലാൽ ചോദ്യത്തിന് മറുപടി നൽകിയത്.
പൃഥ്വിരാജിന്റെ പ്രതികരണം ഇങ്ങനെയായിരുന്നു സലാർ, കെ.ജി.എഫ് 2 തുടങ്ങിയ ചിത്രങ്ങൾ തന്റെ നിർമാണക്കമ്പനിയായ പൃഥ്വിരാജ് പ്രൊഡക്‌ഷൻസാണ് മലയാളത്തിൽ വിതരണം ചെയ്തത് എന്നായിരുന്നു. ഇരുവരുടേയും പ്രതികരണത്തിന് നിറഞ്ഞ കൈയ്യടികളായിരുന്നു കാണികളുടെ മറുപടി.
എല്ലാ സ്റ്റേറ്റിലുമുള്ള സിനിമകളെ ഒരുപോലെ സ്വീകരിക്കുന്ന പതിവാണ് നമുക്കുള്ളത്. പുഷ്പയുടെ റിലീസിന് ഞാൻ പോയിരുന്നു. മനോഹരമായ സാഹോദര്യം ഉള്ള മേഖലയാണ് ഫിലിം ഇൻഡസ്ട്രി. ഭാഷയുടെ അതിർവരമ്പുകൾ ഇല്ലാതെ നമുക്ക് ഒരുമിച്ച് മനോഹരമായ സിനിമകൾ സൃഷ്ടിക്കാം,” മോഹൻലാൽ പറഞ്ഞു. മലയാളം തെലുങ്ക് എന്നിങ്ങനെ ഭാഷാഭേദം ഇല്ലാതെ ഗ്ലോബൽ സിനിമ എന്ന കൺസെപ്റ്റുമായി നമുക്ക് മുന്നോട്ട് പോകാം.” എന്നായിരുന്നു പൃഥ്വിരാജ് നൽകിയ മറുപടി.
content highlight: Empuran movie
