അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പച്ചക്കറികൾ കൊണ്ടു മാത്രമല്ല പഴവർഗങ്ങൾ കൊണ്ടും പുളിശ്ശേരി ഉണ്ടാക്കും. ഇത്തവണ പഴം കൊണ്ട് പുളിശ്ശേരി ഉണ്ടാക്കിയാലോ. നല്ല രുചിയുള്ള പഴം പുളിശ്ശേരി എങ്ങനെ ഉണ്ടാക്കാമെന്ന് നോക്കാം.
ചേരുവകൾ
നേന്ത്രപ്പഴം പഴുത്തത് 2
അരമുറി നാളികേരം ചിരകിയത്
നല്ല ജീരകം മഞ്ഞൾപൊടി മുളകുപൊടി 3 പച്ചമുളക്
തൈര്
ഉണക്കമുളക് ഉലുവ കടുക് കറിവേപ്പില
ഉണ്ടാക്കുന്ന വിധം
നേന്ത്രപ്പഴം ചെറുതായി അരിഞ്ഞ് കുറച്ചു വെള്ളത്തിൽ, അര സ്പൂൺ മുളകുപൊടി കാൽ സ്പൂൺ മഞ്ഞൾ പൊടി മൂന്ന് പച്ചമുളക് കീറിയതും അല്പം ഉപ്പും ചേർത്ത് വേവിക്കുക. നാളികേരവും അല്പം നല്ലജീരകവും രണ്ടല്ലി കറിവേപ്പിലയും നല്ലപോലെ അരച്ചുവയ്ക്കുക. പഴം വെന്താൽ അതിലേക്ക് അരപ്പ് ചേർക്കുക, അരപ്പു തിളക്കുമ്പോൾ അതിലേക്കു തൈര് ഒഴിക്കുക, തൈര് അധികം തിളയ്ക്കാൻ പാടില്ല. ഇനി ഇതിലേക്ക് കടുകും ഉണക്കമുളകും കറിവേപ്പിലയും വറുത്തിടുക. പഴം പുളിശ്ശേരി റെഡി.
