India

ട്രംപ് ഏര്‍പ്പെടുത്തിയ പകരചുങ്കം, ഇറക്കുമതി നികുതി എന്നിവ ഇന്ത്യന്‍ സമ്പദ് വ്യവസ്ഥയെ പൂര്‍ണ്ണമായി തകര്‍ക്കും; രാഹുല്‍ ഗാന്ധി – Rahul gandhi criticizes trump tariffs

ട്രംപ് ഏർപ്പെടുത്തിയ തീരുവയെ കുറിച്ചും ചൈന കയ്യേറിയ ഭൂമിയുടെ വിഷയത്തെ കുറിച്ചും രാഹുല്‍ ഗാന്ധി സംസാരിച്ചു

അമേരിക്ക ഏര്‍പ്പെടുത്തിയ പകരചുങ്കം, ഇറക്കുമതി നികുതി എന്നിവ ഇന്ത്യന്‍ സമ്പദ് വ്യവസ്ഥയെ പൂര്‍ണ്ണമായി തകര്‍ക്കുമെന്ന് പ്രതിപക്ഷ നേതാവ് രാഹുല്‍ ഗാന്ധി. ലോക്സഭയില്‍ സംസാരിക്കുകയായിരുന്നു അദ്ദേഹം. ട്രംപ് ഏർപ്പെടുത്തിയ തീരുവയെ കുറിച്ചും ചൈന കയ്യേറിയ ഭൂമിയുടെ വിഷയത്തെ കുറിച്ചും രാഹുല്‍ ഗാന്ധി സംസാരിച്ചു.

’26 ശതമാനം തീരുവ ഏര്‍പ്പെടുത്താന്‍ അമേരിക്ക പെട്ടെന്ന് തീരുമാനമെടുത്തിരിക്കുകയാണ്. ഇത് നമ്മുടെ സമ്പദ് വ്യവസ്ഥയെ തകര്‍ത്തുകളയും. വാഹന വ്യവസായം, ഫാര്‍മസ്യൂട്ടിക്കല്‍ വ്യവസായം, കൃഷി എന്നിവയെല്ലാം ഇതേ തുടര്‍ന്ന് അപകടത്തില്‍ പെടും. അമേരിക്ക നമ്മുടെ മേല്‍ ചുമത്തി തീരുവയെ കുറിച്ച് എന്താണ് പറയാനുള്ളത്. നമ്മുടെ ഭൂമി വിഷയത്തില്‍ നിങ്ങള്‍ എന്താണ് ചെയ്യുന്നത്. രാഹുല്‍ ഗാന്ധി പറഞ്ഞു.

പ്രധാനമന്ത്രിയും രാഷ്ട്രപതിയും ചൈനയ്ക്ക് കത്തെഴുതിയത് എന്റെ ശ്രദ്ധയില്‍പ്പെട്ടു. നമ്മുടെ ആള്‍ക്കാര്‍ ഇതേക്കുറിച്ച് യാതൊന്നും പറഞ്ഞില്ല. ചൈന കയ്യേറിയ 4000 ചതുരശ്ര കിലോമീറ്റര്‍ ഭൂമിയുടെ വിഷയത്തില്‍ എന്താണ് സംഭവിക്കുന്നത് എന്നതാണ് എന്റെ ചോദ്യം. രാഹുല്‍ ഗാന്ധി വ്യക്തമാക്കി. കേന്ദ്ര സര്‍ക്കാര്‍ ട്രംപിന്റെ പ്രഖ്യാപനത്തിന്റെ പ്രത്യാഘാതങ്ങള്‍ ശ്രദ്ധാപൂര്‍വ്വം പരിശോധിക്കുകയാണെന്ന് വാണിജ്യമന്ത്രാലയം മറുപടി നൽകി.

STORY HIGHLIGHT: Rahul gandhi criticizes trump tariffs