പാലക്കാട് ആർഎസ്എസ് നേതാവായിരുന്ന ശ്രീനിവാസനെ കൊലപ്പെടുത്തിയ കേസിൽ 3 വർഷത്തോളം ഒളിവിലായിരുന്ന കേസിലെ പ്രതി മഞ്ചേരി കാരക്കുന്ന് സ്വദേശി ഇ.കെ.ഷംനാദിനെ അറസ്റ്റ് ചെയ്ത് എൻഐഎ. കൊച്ചിയിൽ വിനോദയാത്രയ്ക്ക് എത്തിയ ഇയാളെ അന്വേഷണ സംഘം അറസ്റ്റ് ചെയ്യുകയായിരുന്നു.
ഇന്ന് ഷംനാദിന്റേതുൾപ്പെടെ 5 എസ്ഡിപിഐ പ്രവർത്തകരുടെ വീടുകളിൽ എൻഐഎ പരിശോധന നടത്തിയിരുന്നു. ഷംനാദിനെക്കുറിച്ചുള്ള വിവരങ്ങൾ കൈമാറുന്നവർക്ക് എൻഐഎ 7 ലക്ഷം രൂപ പാരിതോഷികം പ്രഖ്യാപിച്ചിരുന്നു. കുറ്റകൃത്യത്തിനു ശേഷം ഇയാൾ മറ്റൊരു പേരിൽ ഒളിവിൽ കഴിയുകയായിരുന്നെന്നും ഇയാൾ ഒട്ടേറെ കേസുകളിൽ പ്രതിയാണെന്നും അന്വേഷണ സംഘം അറിയിച്ചു.
STORY HIGHLIGHT: palakkad sreenivasan murder