കൊച്ചി കളമശേരിയിൽ സർക്കാർ മെഡിക്കൽ കോളജിലെ എംബിബിഎസ് വിദ്യാർത്ഥിനിയെ തൂങ്ങി മരിച്ച നിലയിൽ കണ്ടെത്തി. കാസർകോട് ഹോസ്ദുർഗ് സ്വദേശി അമ്പിളി ആണ് മരിച്ചത്. എംബിബിഎസ് മൂന്നാം വർഷ വിദ്യാർത്ഥിനിയാണ് അമ്പിളി. കോളജ് ഹോസ്റ്റലിന്റെ മൂന്നാം നിലയിലെ മുറിയിലെ ഫാനിൽ തൂങ്ങിയ നിലയിൽ ആയിരുന്നു സഹപാഠികൾ അമ്പിളിയെ കണ്ടെത്തിയത്.
ഒരു തവണ ഹോസ്റ്റലിൽ വച്ചും മറ്റൊരു തവണ വീട്ടിലേക്കുള്ള യാത്രക്കിടയിൽ ട്രെയിനിൽ വച്ചും വിദ്യാർഥിനി ഇതിന് മുൻപും ആത്മഹത്യയ്ക്ക് ശ്രമിച്ചിട്ടുണ്ട്. 3 വർഷമായി മെഡിക്കൽ കോളജിലെ സൈക്യാട്രിക് വിഭാഗത്തിൽ ചികിത്സയിലായിരുന്നു അമ്പിളി. പിതാവ് ഡോക്ടറെ കാണിച്ച ശേഷം ഹോസ്റ്റലിലാക്കി മടങ്ങിയതിനു പിന്നാലെയായിരുന്നു സംഭവം.
STORY HIGHLIGHT: mbbs student found dead