പത്തനംതിട്ടയില്‍ കെ എസ് ഇ ബി ജോലിക്കിടെ തൊഴിലാളി വൈദ്യുതി ലൈനില്‍ കുടുങ്ങി. കരാര്‍ അടിസ്ഥാനത്തില്‍ ജോലി ചെയ്യുന്ന ഇതര സംസ്ഥാന തൊഴിലാളിയായ അന്‍വര്‍ അലിയാണ് കെ എസ് ഇ ബിയുടെ ജോലിക്കിടെ വൈദ്യുതി ലൈനില്‍ കുടുങ്ങിപ്പോയത്. പശ്ചിമ ബംഗാള്‍ സ്വദേശിയായ അന്‍വര്‍ അലി ജോലിക്കിടെ വൈദ്യുതാഘാതം ഏറ്റ് ലൈനില്‍ കുടുങ്ങിപ്പോകുകയായിരുന്നു. ഏറെ പരിശ്രമത്തിനു ശേഷമാണ് ഗുരുതരാവസ്ഥയിലായ അന്‍വര്‍ അലിയെ പുറത്തെടുത്തത്. ഫയര്‍ഫോഴ്‌സ് എത്തും മുന്‍പേ നാട്ടുകാര്‍ തന്നെ ഇയാളെ പുറത്തെടുത്തിരുന്നു. വൈദ്യുതി ലൈനില്‍ കുടുങ്ങിയപ്പോള്‍ രക്തസമ്മര്‍ദ്ദം കൂടി അന്‍വര്‍ അലിക്ക് ദേഹാസ്വാസ്ഥ്യമുണ്ടായി. പുറത്തെത്തിച്ച ഇയാളെ ആശുപത്രിയില്‍ പ്രവേശിപ്പിക്കുകയായിരുന്നു. ആരോഗ്യനില തൃപ്തികരമാണെന്നാണ് സൂചന.