അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എന്ത് ആഘോഷങ്ങൾക്കും കേക്ക് മസ്റ്റ് ആണല്ലേ, പിറന്നാൾ, വാർഷികം, വിശേഷാവസരങ്ങൾ എന്നുവേണ്ട എല്ലാ ആഘോഷങ്ങൾക്കും കേക്ക് മസ്റ്റ് ആണ്. എങ്കിലും പലപ്പോഴും കേക്ക് വീട്ടിൽ തയ്യാറാക്കുന്നത് ഒരു ചിലർക്കെല്ലാം ടാസ്ക് ആണ്. ചില കാര്യങ്ങള്‍ ശ്രദ്ധിച്ചാൽ രുചികരമായ കേക്ക് വീട്ടിൽ തന്നെ റെഡി ആക്കം. ഇതിനായി എന്തെല്ലാം കാര്യങ്ങൾ ശ്രദ്ധിക്കാമെന്ന് നോക്കിയാലോ?
- കേക്ക് തയ്യാറാക്കുമ്പോൾ 6 മാസത്തിൽ കൂടുതൽ പഴക്കമുള്ള ബേക്കിംഗ് പൗഡറും സോഡയും ഉപയോഗിക്കരുത്.
- ചെറിയ കേക്ക് തയ്യാറാക്കാൻ ചെറിയ പാത്രവും വലിയ കേക്ക് തയ്യാറാക്കാൻ ഒരു വലിയ ബേക്കിംഗ് പാത്രവും എടുക്കുക. അതിലൂടെ കേക്ക് ശരിയായി പൊങ്ങി വരും.
- ബേക്കിംഗ് പൗഡർ, സോഡ, മാവ്, പഞ്ചസാര പോലുള്ള കേക്കിന്‍റെ എല്ലാ ചേരുവകളും ഒരു അരിപ്പയിലൂടെ അരിച്ചെടുത്ത ശേഷം മാത്രം ഉപയോഗിക്കാൻ ശ്രദ്ധിക്കുക.
- ക്രീം ഉപയോഗിച്ചാണ് കേക്ക് ഉണ്ടാക്കുന്നതെങ്കിൽ, ഫ്രഷ് ക്രീം ഉപയോഗിക്കുക പഴകിയത് ഉപയോഗിക്കരുത്.
- കേക്കിൽ പാലിന് പകരം ഇളം ചൂടുവെള്ളവും ഉപയോഗിക്കാം.
- കേക്കിൽ ഫ്ലേവർ ഓയിൽ ഉപയോഗിക്കുന്നതിന് പകരം ഒലിവ് ഓയിൽ ഉപയോഗിക്കുന്നത് നല്ലതാണ്, എണ്ണയ്ക്ക് പകരം ക്രീം, നെയ്യ് അല്ലെങ്കിൽ വെണ്ണ എന്നിവയും ഉപയോഗിക്കാം.
- തയ്യാറാക്കിയ മാവ് ബേക്കിംഗ് പാത്രത്തിൽ ഇടുന്നതിന് മുമ്പ്, പാത്രത്തിൽ എണ്ണയോ നെയ്യോ പുരട്ടിയാൽ പാത്രത്തിൽ പറ്റിപ്പിടിക്കില്ല.
- കേക്ക് ബാറ്ററിന്‍റെ കട്ടി റിബൺ പോലെ ആയിരിക്കണം, കട്ടി കൂടുതലുള്ള ബാറ്റർ ആയാൽ കേക്ക് സ്പോഞ്ചി ആയിരിക്കില്ല.
- പാത്രത്തിന്‍റെ ആകൃതിയിലുള്ള ബട്ടർ (പോർച്ച്മെന്‍റ്) പേപ്പർ മുറിച്ച് അടിയിൽ എണ്ണ പുരട്ടി വെച്ചാൽ കേക്ക് ബേക്കിംഗ് ഡിഷിൽ ഒട്ടി പിടിക്കില്ല
- ബേക്കിംഗ് ഡിഷിൽ കേക്ക് ബാറ്ററിന്‍റെ 3/4 ഭാഗം മാത്രം ഒഴിക്കുക, അങ്ങനെ ചെയ്യുകയാണെങ്കില്‍ കേക്ക് പൊങ്ങാൻ മതിയായ ഇടം അവശേഷിക്കുന്നു.
- കേക്ക് പാകമായോ ഇല്ലയോ എന്നറിയാൻ, കേക്കിന്‍റെ മധ്യത്തിൽ ഒരു ടൂത്ത്പിക്ക് അല്ലെങ്കിൽ വൃത്തിയുള്ള കത്തി കുത്തുക. അത് ഒട്ടാതെ പുറത്ത് വരുകയാണെങ്കിൽ കേക്ക് വെന്തു എന്ന് മനസ്സിലാക്കുക.
- കേക്ക് പൂർണ്ണമായും തണുത്തതിന് ശേഷം മാത്രം മുറിക്കുക, അല്ലാത്ത പക്ഷം അത് പെടിഞ്ഞു പോകാൻ സാധ്യതയുണ്ട്.
- മൈക്രോ വേവിൽ കേക്കുകൾ ഉണ്ടാക്കാൻ, മൈക്രോ വേവ് കൺവെക്ഷൻ മോഡിൽ 5 മിനിറ്റ് നേരത്തേക്ക് ചൂടാക്കുക. തുടർന്ന് ബേക്കിംഗ് ഡിഷ്‌ ലോ സ്റ്റാൻഡിൽ ഇട്ടു 30 മുതൽ 40 മിനിറ്റ് വരെ പാകം ചെയ്യുക.
- കേക്ക് ഐസിംഗ് ചെയ്യുന്നതിന് സാധാരണ ക്രീമിന് പകരം സ്പെഷ്യൽ ഐസിംഗ് ക്രീം തന്നെ ചോദിച്ചു വാങ്ങുക.
- ചോക്ലേറ്റ് കേക്ക് ഉണ്ടാക്കാൻ കൊക്കോ പൗഡർ, ഡാർക്ക് ചോക്ലേറ്റ് ബാർ അല്ലെങ്കിൽ ലൈറ്റ് ചോക്ലേറ്റ് ബാർ എന്നിവ ഉപയോഗിക്കാം.
- വിപ്ഡ് ക്രീം ഇല്ലെങ്കിൽ ചെറി, ചോക്കോ ചിപ്സ് അല്ലെങ്കിൽ ഫ്രഷ് ഫ്രൂട്ട്സ്, ജെംസ് എന്നിവ ഉപയോഗിച്ചും കേക്ക് അലങ്കരിക്കാം.
