ബാക്ക്പാക്കര്‍ അരുണിമ എന്ന വ്ലോഗറെ എല്ലാവർക്കും ഇഷ്ടമാണ്. കാടും മലയും കുന്നു കയറി ആഗ്രഹത്തിന് പിന്നാലെ പോകുന്ന പെൺക്കുട്ടിയെ എല്ലാവരും ഇഷ്ടപ്പെടുന്നുണ്ട്. എന്നാൽ കഴിഞ്ഞ ദിവസം അമേരിക്കയിൽ താൻ നേരിട്ട ദുരനുഭവം താരം വെളിപ്പെടുത്തിയിരുന്നു. പാതി രാത്രി 12 മണിക്ക് മലയാളി കുടുബം തന്നെ വീട്ടിൽ നിന്ന് ഇറക്കി വിട്ടെന്നാണ് വീഡിയോയുടെ ഇതിവൃത്തം. അരുണിമയുടെ ഉറ്റ സുഹൃത്തായ ജോർജിന്റെ വീട്ടിലാണ് സംഭവം. എന്നാൽ അരുണിമയെ ആരും ഇറക്കി വിട്ടിട്ടില്ലെന്നും സ്വയം ഇറങ്ങി പോയതാണെന്നും വെളിപ്പെടുത്തി വീട്ടുടമ ജോര്‍ജ് രംഗത്ത് വന്നിരുന്നു. ഇപ്പോഴിതാ അരുണിമയെ പരിചയപ്പെട്ടപ്പോൾ ഉണ്ടായ അനുഭവവും പങ്കുവെച്ചിരിക്കുകയാണ് യുട്യൂബര്‍ സീക്രട്ട് ഏജന്റെന്ന സായ് ക‍ൃഷ്ണ.
സായിയുടെ വാക്കുകൾ……..
ഒരു വ്യക്തിയുടെ സ്വകാര്യ ജീവിതം സോഷ്യൽമീഡിയയിൽ എക്സ്പോസ് ചെയ്ത അരുണിമയോട് യോജിക്കാനാവില്ല.നിങ്ങളെപ്പോലെ ലോകം കാണാത്തയാളല്ല താനെന്നും അരുണിമ പറയുന്നത് വിഡിയോയിൽ കേൾക്കാം. മാത്രമല്ല സംഭവം നടന്ന അന്നല്ല അരുണിമ വീഡിയോ പോസ്റ്റ് ചെയ്തത്. രണ്ട് ദിവസം കഴിഞ്ഞിട്ടാണ് ചെയ്തത്. അതുപോലെ അരുണിമ ജോർജ് എന്ന വ്യക്തിയോട് ചെയ്തത് മോശം പ്രവൃത്തിയാണ്. അത്രയും ദിവസം അരുണിമയെ നല്ല രീതിയിലാണ് ജോർജ് എന്നയാൾ ട്രീറ്റ് ചെയ്തത്. സ്ഥലങ്ങൾ കാണാൻ അടക്കം അയാൾ ഒപ്പം പോയി, പക്ഷെ ഇപ്പോൾ വീഡിയോ പോസ്റ്റ് ചെയ്തതിലൂടെ അരുണിമ അയാളെ നാട്ടുകാർക്ക് കടിച്ച് കീറാൻ ഇട്ട് കൊടുത്തത് പോലെയായി.
അരുണിമയെ ഞാൻ മലപ്പുറത്ത് വെച്ച് ഒരിക്കൽ കണ്ട് സംസാരിച്ചിട്ടുണ്ട്, അന്ന് അരുണിമയ്ക്കൊപ്പം വേറൊരു ലേഡി കൂടി ഉണ്ടായിരുന്നു. വിഡിയോ കണ്ടിട്ടുള്ളതുകൊണ്ട് അരുണിമയെ പോയി പരിചയപ്പെട്ടു. സഹായം വേണോയെന്ന് ചോദിച്ചു. ഞങ്ങളുടെ നാട്ടിൽ കൂടി പോകുന്നത് കൊണ്ടാണ് ഹെൽപ്പ് വേണോയെന്ന് ചോദിച്ചത്. അപ്പോൾ പറഞ്ഞു. പെരിന്തൽമണ്ണ ഭാഗത്തേക്ക് പോകാൻ ബസ് കിട്ടുന്ന സ്ഥലത്തേക്ക് ഒരു ലിഫ്റ്റ് തരാമോയെന്ന്.അങ്ങനെ ഞാൻ അവരെ വണ്ടിയിൽ കയറ്റി. അവർ മദ്യപിക്കുന്നതും മദ്യപിക്കാതിരിക്കുന്നതുമെല്ലാം അവരുടെ ഇഷ്ടം. പക്ഷെ അവർ കയറിയശേഷം കാറിനുള്ളിൽ മദ്യത്തിന്റെ ഭയങ്കര മണമായിരുന്നു. അതുകൊണ്ട് തന്നെ അവരെ ഒരു ബസ് കിട്ടുന്ന ഒരു ഏരിയയിൽ ഞാൻ വൈകാതെ ഇറക്കി വിട്ടു. അവർ രണ്ടുപേരിൽ ആരാണ് മദ്യപിച്ചതെന്ന് അറിയില്ല. ചിലപ്പോൾ ഒരാളാകും അല്ലെങ്കിൽ രണ്ടുപേരുമാകും. എന്തായാലും ഭയങ്കര സ്മെല്ലായിരുന്നു. അടിച്ച് പിപ്പിരി ആയിരുന്നു. ഇത്രത്തോളം മദ്യപിച്ച് ട്രാവൽ ചെയ്താൽ എന്താകും അവസ്ഥ എന്നൊക്കെ ഞാൻ അന്ന് സംസാരിക്കവെ സുഹൃത്തുമായി ഡിസ്കസ് ചെയ്തിരുന്നു.
content highlight: Secret Agent