ട്വൈലൈറ്റ് താരം ക്രിസ്റ്റിന്‍ സ്റ്റുവര്‍ട്ടും കാമുകി ഡിലന്‍ മേയറും വിവാഹിതരായി. 2021-ല്‍ ക്രിസ്റ്റിന്‍ തന്നെയാണ് വിവാഹനിശ്ചയം കഴിഞ്ഞ വിവരം പുറത്തുവിട്ടത്. 2019-ലാണ് ഇന്‍സ്റ്റഗ്രാമിലൂടെ ഇരുവരും തമ്മുലുള്ള ബന്ധം ഔദ്യോഗികമായി അറിയിച്ചത്.
ലോസ് ഏഞ്ജലിസിലെ വീട്ടില്‍ അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത ചടങ്ങിലായിരുന്നു ഇരുവരും വിവാഹിതരായത്. കോടതിയില്‍ നിന്ന് വിവാഹ ലൈസന്‍സ് കൈപ്പറ്റിയ ശേഷമായിരുന്നു സ്വകാര്യ ചടങ്ങില്‍ ഇരുവരും വിവാഹിതരായത്.
‘ദ സേഫ്റ്റി ഓഫ് ഒബ്ജക്റ്റ്സ്’ എന്ന ചിത്രത്തിലൂടെയാണ് ക്രിസ്റ്റിന്‍ അഭിനയരംഗത്ത് അരങ്ങേറ്റം കുറിച്ചത്. ട്വൈലൈറ്റിലെ ബെല്ല എന്ന കഥാപാത്രത്തിലൂടെയാണ് ലോകമൊട്ടാകെ പ്രശസ്തി നേടിയത്.
അഭിനേത്രിയും എഴുത്തുകാരിയുമാണ് ഡിലന്‍ മേയര്‍. മിസ് 2059 എന്ന സീരിസിലും ഏതാനും ചിത്രങ്ങളിലും ഡിലന്‍ വേഷമിട്ടിട്ടുണ്ട്.