അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വൈകീട്ട് ചായക്കൊപ്പം കഴിക്കാൻ നല്ല ക്രിസ്പി ഉള്ളിവട ആയാലോ? വളരെ എളുപ്പത്തിൽ തന്നെ തയ്യാറാക്കാവുന്ന ഒരു കിടിലൻ സ്നാക്ക് റെസിപ്പി.
ആവശ്യമായ ചേരുവകള്‍
- സവാള നീളത്തിലരിഞ്ഞത് – 2 എണ്ണം
- ഇഞ്ചി കൊത്തിയരിഞ്ഞത് – 1 ടീസ്പൂണ്‍
- പച്ചമുളക് വട്ടത്തിലരിഞ്ഞത് – ഒരെണ്ണം
- ഉപ്പ് – ആവശ്യത്തിന്
- മഞ്ഞള്‍ പൊടി – ¼ ടീസ്പൂണ്‍
- മുളകുപൊടി – 1 ടീസ്പൂണ്‍
- കടലപ്പൊടി – 4 ടേബിള്‍സ്പൂണ്‍
- മൈദ – 2 ടേബിള്‍സ്പൂണ്‍
- അരിപ്പൊടി – 1 ടേബിള്‍സ്പൂണ്‍
- കായപ്പൊടി – ¼ ടീസ്പൂണ്‍
- ഓയില്‍ – വറുക്കുന്നതിന്
തയാറാക്കുന്ന വിധം
ഒരു പാത്രത്തില്‍ സവാള, ഇഞ്ചി, പച്ചമുളക് എന്നിവ അരിഞ്ഞതും ഉപ്പ്, മഞ്ഞള്‍പ്പൊടി, മുളകുപൊടി എന്നിവയും ചേര്‍ത്ത് കൈ കൊണ്ട് നന്നായി തിരുമ്മി കൂട്ടിയോജിപ്പിച്ചു പത്തുമിനിറ്റ് മൂടിവയ്ക്കാം (സവാളയുടെ നീരില്‍ മാവ് കലക്കി എടുക്കണം. ഇതിലേക്ക് പ്രത്യേകമായി വെള്ളം ചേര്‍ക്കേണ്ടതില്ല.
സവാളക്ക് നീര് കുറവാണ് എങ്കില്‍ അല്പം വെള്ളം തളിച്ചു കൊടുക്കാം). ഇതിലേക്ക് കടലപ്പൊടി, മൈദ, അരിപ്പൊടി, കായപ്പൊടി എന്നിവ ചേര്‍ത്ത് യോജിപ്പിച്ച് എടുക്കാം. കൈ വെള്ളത്തില്‍ നനച്ചശേഷം മാവില്‍ നിന്നും കുറേശ്ശേ എടുത്ത് ഉരുട്ടി വിരലുകൊണ്ടു പതുക്കെ അമര്‍ത്തി കൊടുത്തശേഷം ചൂടായി കിടക്കുന്ന എണ്ണയിലേക്ക് ഇട്ടുകൊടുക്കാം. രണ്ടുവശവും ഒരുപോലെ മൊരിയുന്നതിനായി ഇടയ്ക്കിടയ്ക്കു തിരിച്ചും മറിച്ചും ഇട്ടുകൊടുത്ത് ഇടത്തരം തീയില്‍ വറുത്തു കോരാം.
