Celebrities

വർധിക്കുന്ന ഡീ അഡിക്ഷൻ സെന്ററുകളിലേക്ക് കൂടി ഒന്ന് നോക്കൂ; ലഹരികേസിൽ പിടിയിലായവരെ പിന്തുണയ്ക്കുന്നവർക്കെതിരെ ജൂഡ് ആന്റണി ജോസഫ് | Jude Antony Joseph

സംവിധായകരായ ഖാലിദ് റഹ്മാനും നടൻമാരായ ഷെെനും ഒക്കെ കഴിഞ്ഞ ദിവസങ്ങളിൽ എക്സൈസ് പിടിയിലായിരുന്നു

സിനിമാമേഖലയിലെ ലഹരിക്കേസിൽ പ്രതികരിച്ച് സംവിധായകൻ ജൂഡ് ആന്തണി ജോസഫ്. സംവിധായകരായ ഖാലിദ് റഹ്മാനും നടൻമാരായ ഷെെനും ഒക്കെ കഴിഞ്ഞ ദിവസങ്ങളിൽ എക്സൈസ് പിടിയിലായിരുന്നു. ഇതിനെ തുടർന്നാണ് ജൂഡിന്റെ പ്രതികരണം.

ലഹരി പദാർത്ഥങ്ങൾ ഉപയോഗിച്ച് ജീവിതം തകർത്ത് ഒരുപാട് പേരുണ്ടെന്നും ഇപ്പോൾ പിടിയിലായവരെ ന്യായീകരിക്കുന്നവർ അതോർക്കണമെന്നും ജൂഡ് സമൂഹമാധ്യമങ്ങളിൽ പങ്കുവെച്ച കുറിപ്പിൽപറഞ്ഞു. കേരളത്തിൽ വർധിച്ചുവരുന്ന ഡീ അഡിക്ഷൻ സെന്ററുകളുടെ എണ്ണം മാത്രം നോക്കിയാൽ ലഹരിയുടെ വർധിക്കുന്ന ഉപയോഗത്തെ കുറിച്ച് ബോധ്യമാകുമെന്നും ജൂഡ് ആന്റണി പറഞ്ഞു.

‘ന്യായീകരണവും വെളുപ്പിക്കലും ഒക്കെ കൊള്ളാം. ഇതൊക്കെ ഉപയോഗിച്ച് ജീവിതം തകർത്ത ഒരുപാട് പേരുണ്ട്. ഒരു 10 വർഷങ്ങൾക്കു മുൻപ് കേരളത്തിൽ ഉണ്ടായിരുന്ന ഡീ അഡിക്ഷൻ സെന്ററുകളുടെ എണ്ണവും ഇന്നത്തെ എണ്ണവും ഒന്ന് താരതമ്യം ചെയ്തു നോക്കിയാൽ മതി. ഒഴിവാക്കിയാൽ അവനവനു കൊള്ളാം, അത്രേ പറയാനുള്ളൂ,’ ജൂഡ് ആന്റണി ജോസഫ് പറഞ്ഞു.

content highlight: Jude Antony Joseph