അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഉണ്ടാക്കാന്‍ വളരെ എളുപ്പമുള്ള ഒന്നാണ് ഇളനീര്‍ പായസം. കുട്ടികള്‍ മുതല്‍ മുതിര്‍ന്നവര്‍ വരെ എല്ലാവരും ഇഷ്ടപ്പെടുന്ന രുചിയോടെ തന്നെ ഇത് തയ്യാറാക്കാവുന്നതാണ് ഇത്. വളരെ എളുപ്പത്തില്‍ ഇളനീര്‍ പായസം തയാറാക്കുന്നതെങ്ങനെയെന്ന് നോക്കാം.
ചേരുവകൾ
പാല്‍ – 1 1/2 കപ്പ്
കട്ടിയുള്ള തേങ്ങാപ്പാല്‍ – 1/2 കപ്പ്
ഇളനീര്‍ – 1/2 കപ്പ്
പഞ്ചസാര – 1 ടേബിള്‍സ്പൂണ്‍
മില്‍ക്ക് മെയ്ഡ്- 2 ടേബിള്‍സ്പൂണ്‍
ഏലയ്ക്കാപ്പൊടി – അല്പം
അരയ്ക്കാന്‍
ഇളനീര്‍ – 1/2 കപ്പ്
ഇളനീര്‍ വെള്ളം – 3/4 കപ്പ്
പാകം ചെയ്യുന്ന വിധം
ആദ്യം ഇളനീരും അല്പം ഇളനീര്‍ പാനീയവും ഒരു പാത്രത്തില്‍ അരച്ചെടുത്ത് മിക്‌സ് ചെയ്യുക. എന്നിട്ട് പാല്‍ കുറഞ്ഞ ചൂടില്‍ 5 മിനിറ്റ് നന്നായി തിളപ്പിക്കുക, പഞ്ചസാരയും അല്പം മില്‍ക്ക് മെയ്ഡും ചേര്‍ത്ത് കട്ടിയുള്ളതും ക്രീം നിറമാകുന്നതുവരെ നന്നായി ഇളക്കി തണുപ്പിക്കുക. ഇതിലേക്ക് ഏലക്കാപ്പെടിയും തേങ്ങാപ്പാലും ചേര്‍ത്ത് ഇളക്കി വിളമ്പുക, രുചികരമായ ഇളനീര്‍ പായസം തയ്യാര്‍.
