അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി മദ്രാസിനു (ഐഐടി മദ്രാസ്) കീഴിലുള്ള സ്വയം പ്ലസ് വഴി സൗജന്യമായി വാഗ്ദാനം ചെയ്യുന്ന അഞ്ച് ആർട്ടിഫിഷ്യൽ ഇന്റലിജൻസ് കോഴ്സുകൾ ആരംഭിച്ചു. 25 മുതൽ 45 മണിക്കൂർ വരെ ദൈർഘ്യമുള്ള ഈ കോഴ്സുകൾ ഓൺലൈൻ വഴിയാണ് ലഭ്യമാക്കുന്നത്. വിദ്യാർത്ഥികൾക്കും, ഫാക്കൽറ്റികൾക്കും, പ്രൊഫഷണലുകൾക്കും വേണ്ടി ക്രമീകരിച്ചിരിക്കുന്നതാണ് കോഴ്സുകൾ. എഐ ഇൻ ഫിസിക്സ്, എഐ ഇൻ കെമിസ്ട്രി, എഐ ഇൻ അക്കൗണ്ടിംഗ്, എഐ ഉപയോഗിച്ചുള്ള ക്രിക്കറ്റ് അനലിറ്റിക്സ്, പൈത്തൺ ഉപയോഗിച്ചുള്ള എഐ/എംഎൽ എന്നിവയിലുള്ള കോഴ്സുകളാണ് ലഭ്യമാക്കുന്നത്.
കോഴ്‌സുകളിലേക്ക് അപേക്ഷിക്കുന്നതിന് മുൻകൂർ എഐ പരിജ്ഞാനം ആവശ്യമില്ല. എല്ലാ അക്കാദമിക് പശ്ചാത്തലങ്ങളിൽ നിന്നുമുള്ള (എഞ്ചിനീയറിംഗ്, സയൻസ്, കൊമേഴ്‌സ്, ആര്ട്ട്, ഇന്റർ ഡിസിപ്ലിനറി) ബിരുദ, ബിരുദാനന്തര വിദ്യാർത്ഥികൾക്കും ഈ കോഴ്‌സുകളിൽ ചേരാം. താൽപ്പര്യമുള്ളവർക്ക് https://swayam-plus.swayam2.ac.in/ai-for-all-courses എന്ന ലിങ്ക് വഴി രജിസ്റ്റർ ചെയ്യാം. മെയ് 12 ആണ് രജിസ്റ്റർ ചെയ്യാനുള്ള അവസാന തീയതി.
വിദ്യാഭ്യാസ മന്ത്രാലയത്തിന് കീഴിൽ, ഇന്ത്യയിലുടനീളമുള്ള വിദ്യാർത്ഥികൾക്ക് ഉയർന്ന നിലവാരമുള്ളതും തൊഴിൽ അധിഷ്ഠിതവുമായ പഠന അവസരങ്ങൾ നൽകുന്നതിനായി രൂപകൽപ്പന ചെയ്‌തിരിക്കുന്ന ഐഐടി മദ്രാസിന്റെ ഒരു സംരംഭമാണ് സ്വയം പ്ലസ്.
content highlight: Swayam Plus
