അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കട്‌ലറ്റ് ഇഷ്ടമുള്ളവരായിരിക്കും നമ്മളില്‍ പലരും. ഇന്ന് നമുക്ക് വാഴക്കൂമ്പ് ഉപയോഗിച്ച് ഒരു കിടിലന്‍ കട്‌ലറ്റ് തയ്യാറാക്കിയാലോ ?
ചേരുവകൾ
വാഴക്കൂമ്പ് അറിഞ്ഞത് -ഒന്നരക്കപ്പ്
സവാള അറിഞ്ഞത് -കാല്‍ കപ്പ്
ഇഞ്ചി അറിഞ്ഞത് -ഒന്നര ടീസ്പൂണ്‍
പച്ചമുളക് -ഒന്ന്
കറിവേപ്പില -രണ്ടു തണ്ട്
കടല -കാല്‍ കപ്പ്
ഉരുളക്കിഴങ്ങ് അറിഞ്ഞത് -അര കപ്പ്
മുളക് പൊടി -അര ടീസ്പൂണ്‍
മഞ്ഞള്‍ പൊടി – കാല്‍ ടീസ്പൂണ്‍
മല്ലിപ്പൊടി -അറ ടീസ്പൂണ്‍
ഗരം മസാല -അര ടീസ്പൂണ്‍
എണ്ണ – വറുക്കാന്‍
ഉപ്പ് -ആവശ്യത്തിന്
റൊട്ടിപ്പൊടി
മുട്ട വെള്ള -ആവശ്യത്തിന്
പാകം ചെയ്യേണ്ട വിധം
ഉരുളക്കിഴങ്ങും കടലയും വേവിച്ച ശേഷം രണ്ടും ഉടച്ചെടുക്കുക. പാന്‍ ചൂടാക്കി അല്‍പം എന്ന ഒഴിച്ച് ഇഞ്ചി ,പച്ച മുളക് ,സവാള ,കറി വേപ്പില എന്നിവയിട്ട് വഴറ്റുക. മുളകുപൊടി , മല്ലിപ്പൊടി , മഞ്ഞള്‍പ്പൊടി എന്നിവ വഴറ്റിയ ശേഷം വാഴക്കൂമ്പ് ചേര്‍ക്കുക. അല്‍പം വെള്ളം തളിച്ച് അടച്ചു വേവിക്കുക. ഇതിലേക്ക് കടലയും ഉരുളക്കിഴങ്ങും ചേര്‍ക്കുക. മുളക് പൊടി, മഞ്ഞള്‍ പൊടി മല്ലിപ്പൊടി , ഗരം മസാല , ഉപ്പ് എന്നിവ ചേര്‍ത്ത് ഇളക്കി ചെറിയ ഉരുളകളാക്കുക. ഇത് മുട്ട വെള്ളയില്‍ മുക്കി റൊട്ടിപ്പൊടി തൂകി എണ്ണയില്‍ വറുത്തെടുക്കുക.
