സംവിധായകന്റെ ആവശ്യം തിരിച്ചറിഞ്ഞാണ് മോഹൻലാലും മമ്മൂട്ടിയുമുൾപ്പെടെയുള്ള അഭിനേതാക്കൾ ചെയ്യുന്നതെന്ന് നടൻ ടൊവിനോ. നരിവേട്ട എന്ന സിനിമയുടെ പ്രൊമോഷനുമായി ബന്ധപ്പെട്ട് നൽകിയ അഭിമുഖത്തിലാണ് പ്രതികരണം. ജൂനിയർ സംവിധായകരാണ് പലപ്പോഴും ഇന്ന് കൂടുതൽ സിനിമകൾ ചെയ്യുന്നത്. എങ്കിലും അവരുടെ പ്രതീക്ഷയ്ക്കൊത്താണ് ഇരുവരുടെയും പക്വമായ ഇടപെടലെന്നും ടൊവിനോ കൂട്ടിചേർത്തു.
“സംവിധായകന് എന്താണോ ആവശ്യം അതാണ് അഭിനേതാക്കൾ ചെയ്യേണ്ടത്. അവർ ആവശ്യപ്പെടുന്നത് ചെയ്യുക എന്നത് ചെറിയ കാര്യമല്ല. വളരെ സീനിയറായ പലരും അങ്ങനെ ചെയ്യുന്നത് ഞാൻ കണ്ടിട്ടുണ്ട്. ലാലേട്ടനൊക്കെ അങ്ങനെ ചെയ്യുന്ന ആളാണ്. അദ്ദേഹം സംവിധായകന് മുന്നിൽ സ്വയം കീഴടങ്ങുന്ന ആളാണ്. പ്രായം കൊണ്ടോ അനുഭവം കൊണ്ടോ ആകാം ലാലേട്ടൻ അതിന് തയ്യാറാകുന്നത്.
മമ്മൂക്കയും അതുപോലെ തന്നെയാണ്. അവർ രണ്ടുപേരും സ്വയം സംവിധായകന് മുന്നിൽ കീഴടങ്ങുന്ന ആളുകളാണ്. അതാണ് ഞാൻ സിനിമയിൽ ചെയ്യാൻ ആഗ്രഹിക്കുന്ന കാര്യം. ഞാൻ അത് അവരിൽ നിന്ന് ഇതിനകം തന്നെ പഠിച്ച കാര്യവുമാണ്. ഞാൻ പല സംവിധായകരോടും ആ കാര്യം പറയാറുമുണ്ട്. ‘ഞാൻ നിങ്ങൾക്ക് മുന്നിൽ സറണ്ടറായി നിൽക്കുകയാണ്. നിങ്ങൾക്ക് എന്നെ സിനിമക്കായി പൂർണമായും ഉപയോഗിക്കാം”, ടൊവിനോ പറഞ്ഞു.
content highlight: Tovino Thomas