വൈകീട്ട് ചായക്കൊപ്പം കഴിക്കാൻ ഒരു കിടിലൻ സ്നാക്ക് തയ്യാറാക്കിയാലോ? മലബാർ സ്പെഷ്യൽ ഉന്നക്കായ് തയാറാക്കുന്നത് എങ്ങനെയെന്ന് നോക്കാം.
ആവശ്യമായ ചേരുവകള്‍
തയ്യാറാക്കുന്ന വിധം
ഏത്തക്ക പുഴുങ്ങുക. അതെടുത്തു തൊലി കളഞ്ഞു അതിനുള്ളിലെ കുരു കളഞ്ഞെടുക്കുക.അതിനു ശേഷം ചപ്പാത്തി മാവു പോലെ ഉടച്ചെടുക്കുക. പാനില്‍ എണ്ണ ചൂടാക്കുക അതില്‍ അണ്ടിപരിപ്പും കിസ്മിസും ഇടുക. ശേഷം ചിരകി വെച്ചിരിക്കുന്ന തേങ്ങ ചേര്‍ത്തതിന് ശേഷം ഏലക്ക പൊടിയും പഞ്ചസാരയും ചേര്‍ക്കുക. നന്നായി വഴറ്റുക. ബ്രൗണ്‍ കളര്‍ ആകുന്നതിനു മുമ്പായി തീ ഓഫ് ചെയ്യുക.
പിന്നീട് ചപ്പാത്തി മാവ് പോലെ കുഴച്ചു വെച്ചിരിക്കുന്ന ഏത്തക്ക ഉണ്ടയാക്കി അത്‌ ചെറുതായിട്ട് പരത്തുക. അതിനുള്ളില്‍ തേങ്ങ കൊണ്ടുണ്ടാക്കി വെച്ചിരിക്കുന്ന കൂട്ട് ചേര്‍ക്കുക. ശേഷം ചിത്രത്തില്‍ കാണുന്ന പോലുള്ള ഷെയ്പ്പില്‍ ആക്കി എടുക്കുക. ഇനി പാനില്‍എണ്ണ ചൂടാക്കി ഫ്രൈ ചെയ്തെടുക്കാം. സ്വാദിഷ്ടമായ മലബാര്‍ ഉന്നക്കായ് റെഡി.