കൊച്ചി: മികച്ച എന്റര്‍ടെയിന്‍മെന്റ് അനുഭവം ഉപഭോക്താക്കള്‍ക്കായി ഒരുക്കാന്‍ ഡിഷ് ടിവിയുടെ ഡിഷ് സ്മാര്‍ട്ട് പ്ലസ് എന്ന പുതിയ സേവനം ആന്‍ഡ്രോയ്ഡ് ടിവികള്‍ക്കായി അവതരിപ്പിച്ചു. കഴിഞ്ഞ വര്‍ഷം പുറത്തിറങ്ങിയ ഫ്‌ലാഗ്ഷിപ്പ് ഉല്‍പ്പന്നത്തിന്റെ മികച്ച പ്രതികരണത്തിന് പിന്നാലെയാണ്, ഡിഷ് സ്മാര്‍ട്ട് പ്ലസ് എന്ന സേവനം അവതരിപ്പിച്ചത്.
ഈ പുതിയ സേവനം, ലൈവ് ടിവി ചാനലുകളും ജനപ്രിയ ഒ.ടി.ടി ആപ്പുകളും ഒരേ സ്‌ക്രീനില്‍ സംയോജിപ്പിച്ച് പ്രവര്‍ത്തിക്കുന്ന ഒരു സ്മാര്‍ട്ട് ഡിവൈസിന്റെ ശേഷിയിലാണ് പ്രവര്‍ത്തിക്കുന്നത്. ആന്‍ഡ്രോയ്ഡ് ഗൂഗിള്‍ ടിവി എന്നിവയുമായി സുഖകരമായി പ്രവര്‍ത്തിക്കാന്‍ രൂപകല്‍പ്പന ചെയ്തിരിക്കുന്ന ഈ ഉപകരണം, നിങ്ങളുടെ സാധാരണ ടിവിയെ ഒരു സ്മാര്‍ട്ട് എന്റര്‍ടെയിന്‍മെന്റ് ഹബ്ബായി മാറ്റുന്നു. ഈ പുതിയ സേവനം ലൈവ് ടിവിയും ഓണ്‍ലൈന്‍ വീഡിയോ ആപ്പുകളും ഒരേ സ്‌ക്രീനില്‍ കാണാന്‍ സഹായിച്ച്, നിങ്ങളുടെ സാധാരണ ടിവിയെ സ്മാര്‍ട്ട് എന്റര്‍ടെയിന്‍മെന്റ് ഹബ്ബായി മാറ്റുന്നു.
ഡിഷ് സ്മാര്‍ട്ട് പ്ലസ് ഉപയോഗിച്ചാല്‍ ഇനി വ്യത്യസ്ത റിമോട്ടുകള്‍ക്കായി തിരച്ചില്‍ വേണ്ട. ഒരു ടി.വി റിമോട്ടില്‍ നിന്ന് ചാനലുകളും ഒ.ടി.ടി ആപ്പുകളും എളുപ്പത്തില്‍ സ്വിച്ച് ചെയ്ത് ഉപയോഗിക്കാം. ഈ ഡിവൈസ് ഫേവറിറ്റ് ചാനലുകളുടെ ലിസ്റ്റ് തയ്യാറാക്കുവാനും, ഷോകള്‍ക്കായി റിമൈന്‍ഡര്‍ സെറ്റ് ചെയ്യുവാനും, പാരന്റല്‍ കണ്‍ട്രോള്‍ പോലുള്ള ഉപകാരപ്രദമായ ഫീച്ചറുകള്‍ നല്‍കുന്നു. എളുപ്പത്തില്‍ ഉപയോഗിക്കാവുന്ന ഇന്റര്‍ഫേസ് ഉള്ളടക്കം വേഗത്തില്‍ ചാനലുകളും പരിപാടികളും കണ്ടെത്താന്‍ സഹായിക്കുന്നു ചാനല്‍ നമ്പറുകള്‍ ഓര്‍ത്ത് നില്‍ക്കേണ്ടതില്ല. കൂടാതെ, തംബ്നെയിലുകളും ബാനറുകളും ഉപയോഗിച്ച് വരാനിരിക്കുന്ന പരിപാടികളുടെ പ്രിവ്യൂ കാഴ്ചയും ലഭ്യമാക്കുന്നു.