അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സംസ്ഥാനത്ത് തുടരുന്ന ശക്തമായ കാറ്റിലും മഴയിലും കെഎസ്ഇബിക്ക് വന്നാശനഷ്ടം. വരും ദിവസങ്ങളിലും അതിതീവ്ര മഴയ്ക്കും കാറ്റിനും സാധ്യതയുണ്ടെന്ന് കാലാവസ്ഥാ പ്രവചന കേന്ദ്രം അറിയിച്ചിട്ടുണ്ട്. ഈ സാഹചര്യത്തില് അതിരാവിലെ പത്ര വിതരണത്തിനും, റബ്ബര് ടാപ്പിംഗിനും, മറ്റ് ആവശ്യങ്ങള്ക്ക് പുറത്തിറങ്ങുന്നവര് തികഞ്ഞ ജാഗ്രത പുലര്ത്തണം. രാത്രികാലങ്ങളില് മരം വീണും മറ്റും വൈദ്യുത കമ്പികള് പാതയോരത്തും വെള്ളക്കെട്ടുകളിലും പൊട്ടി കിടക്കാന് സാധ്യതയുണ്ട്.
വൈദ്യുതി ലൈനുകള് അപകടകരമായി ശ്രദ്ധയില്പ്പെട്ടാല് ഒരിക്കലും സമീപത്തേക്ക് പോകരുത്. ഉടന് സമീപത്തെ കെ എസ് ഇ ബി ഓഫീസിലോ 94 96 01 01 01 എന്ന നമ്പരിലോ അറിയിക്കണം. നിലവിലെ കണക്കുകള് പ്രകാരം 2190 ഹൈടെന്ഷന് പോസ്റ്റുകളും, 16,366 ലോ ടെന്ഷന് പോസ്റ്റുകളും തകര്ന്നു. 2345 സ്ഥലങ്ങളില് ഹൈ ടെന്ഷന് ലൈനുകളും 45,459 സ്ഥലങ്ങളില് ലോടെന്ഷന് ലൈനുകളും പൊട്ടി വീണു. വിതരണമേഖലയില് ഏകദേശം 120 കോടി 81 ലക്ഷം രൂപയുടെ നഷ്ടമാണ് ഉണ്ടായത്.
57,33,195 ഉപഭോക്താക്കള്ക്ക് വൈദ്യുതി തകരാര് സംഭവിച്ചു. ഇതിനോടകം 54,56,524 ഉപഭോക്താക്കള്ക്ക് വൈദ്യുതി ബന്ധം പുനസ്ഥാപിച്ച് നല്കാനായി. പൊട്ടിക്കിടക്കുന്ന വൈദ്യുതകമ്പിയില് മാത്രമല്ല സമീപത്തും വൈദ്യുതപ്രവാഹമുണ്ടാകാന് സാധ്യതയുള്ളതിനാല് യാതൊരു കാരണവശാലും സമീപത്തേക്ക് പോകരുത്, ലൈനിന്റെ സമീപത്തേക്ക് ആരേയും പോകാന് അനുവദിക്കുകയും അരുത്. കെ എസ് ഇ ബി ജീവനക്കാര് എത്തുന്നതുവരെ മറ്റുള്ളവര് അപകടത്തില്പ്പെടാതിരിക്കുവാന് വേണ്ട ജാഗ്രത പാലിക്കണം.
പൊട്ടിയ ലൈന് വെള്ളത്തില് കിടക്കുകയാണെങ്കില് ആ വെള്ളത്തില് സ്പര്ശിക്കരുത്. പൊട്ടിയ ലൈന് തട്ടി ആര്ക്കെങ്കിലും ഷോക്കേറ്റാല് അയാളുടെ ശരീരത്തില് നേരിട്ട് സ്പര്ശിക്കാതെ ഉണങ്ങിയ മുളയോ കമ്പോ കൊണ്ട് തട്ടി ആളിനെ ലൈനില് നിന്നും മാറ്റുകയും പ്രഥമ ശുശ്രൂഷ നല്കി എത്രയും പെട്ടെന്ന് തൊട്ടടുത്തുള്ള ആശുപത്രിയില് എത്തിക്കുകയും ചെയ്യേണ്ടതാണ്. പ്രകൃതി ദുരന്തം വരുത്തിയ പ്രതിബന്ധങ്ങള് വകവെയ്ക്കാതെ കെ.എസ്.ഇ.ബി.
ജീവനക്കാര് യുദ്ധകാലടിസ്ഥാനത്തില് വൈദ്യുതി പുനസ്ഥാപിക്കാനുള്ള ശ്രമം നടത്തി വരുന്നു. പലയയിടത്തും ജലനിരപ്പുയര്ന്ന് പൊതുജനങ്ങള്ക്ക് സുരക്ഷാ ഭീഷണിഉള്ളതിനാല് നിരവധി ഹൈടെന്ഷന് ലൈനുകളും, ട്രാന്സ്ഫോര്മറുകളും ഓഫ് ചെയ്ത് വയ്ക്കേണ്ട സാഹചര്യമാണുള്ളത്.
CONTENT HIGH LIGHTS;Monsoon: Precautions to be taken if you see a power line in danger; KSEB warns people to be vigilant
