അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അടുത്ത ആഴ്‌ചയോടെ കാലവർഷം വീണ്ടും സജീവമാകുമെന്ന് കാലാവസ്ഥ നിരീക്ഷണ കേന്ദ്രം. ജൂൺ 10,11 മുതലാണ് കാലവര്‍ഷം എത്തുക. പക്ഷേ കഴിഞ്ഞ ദിവസങ്ങളിൽ പെയ്‌തതു പോലെ അതി തീവ്ര മഴയ്‌ക്കോ ശക്തമായ മഴയ്‌ക്കോ സാധ്യത ഇല്ലെന്നും കാലാവസ്ഥ നിരീക്ഷണ കേന്ദ്രം പറയുന്നു. സാധാരണ മഴയാകും ലഭിക്കുക. വടക്കൻ കേരളത്തിൽ രണ്ടു ദിവസം അതായത് നാളെയും മറ്റന്നാളും മഴയ്ക്ക് സാധ്യതയുണ്ട്. എന്നാൽ അതി തീവ്ര മഴയ്‌ക്കോ ശക്തമായ മഴയ്‌ക്കോ സാധ്യതയില്ല. മധ്യ -തെക്കൻ കേരളത്തിൽ കാർമേഘങ്ങൾ ഇരുണ്ടു കൂടുമെങ്കിലും മഴയ്ക്ക് സാധ്യത കുറവാണ്. ജൂൺ 5 മുതൽ 9 വരെ കേരളത്തിൽ മഴയുടെ അളവ് നന്നായി കുറയുമെന്നും കാലാവസ്ഥ നിരീക്ഷണ കേന്ദ്രം വിലയിരുത്തുന്നു.
