അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചക്കക്കുരു ഉണ്ടോ? എങ്കിൽ ഈ ഐറ്റം ഒന്ന് ട്രൈ ചെയ്തുനോക്കൂ.. കിടിലൻ സ്വാദാണ്. ചക്കക്കുരു വറുത്തത് തയ്യാറാക്കാം.
ആവശ്യമായ ചേരുവകൾ
- ചക്കക്കുരു
- മുളകുപൊടി
- ഉപ്പ്
- മഞ്ഞൾപ്പൊടി
- കറിവേപ്പില
- വെളിച്ചെണ്ണ
തയ്യാറാക്കുന്ന വിധം
ചക്കക്കുരു നന്നായി കഴുകി തൊലി കളഞ്ഞെടുക്കാം. ഇത് കട്ടി കുറച്ച് നീളത്തിൽ അരിഞ്ഞു ഒരു ബൗളിലെടുക്കാം. ഇതിലേയ്ക്ക് ആവശ്യത്തിന് ഉപ്പ്, മുളകുപൊടി, ഒരു നുള്ള് മഞ്ഞൾപ്പൊടി, അൽപം വെളിച്ചെണ്ണ കുറച്ച് കറിവേപ്പില എന്നിവ ചേർത്തിളക്കി യോജിപ്പിച്ച് മാറ്റി വയ്ക്കാം. അടി കട്ടിയുള്ള ഒരു പാത്രം അടുപ്പിൽ വച്ചു ചൂടാക്കാം. ഇതിലേയ്ക്ക് വെളിച്ചെണ്ണ ഒഴിച്ചു ചൂടാക്കാം. മസാല പുരട്ടി മാറ്റി വച്ചിരിക്കുന്ന ചക്കക്കുരു ചൂടായ എണ്ണയിൽ വറുത്തെടുക്കാം. ഇത് ചൂടോടെ തന്നെ കഴിച്ചു നോക്കൂ.
