അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തെലുങ്ക് സിനിമാ താരം രാം ചരണ്‍ നിര്‍മ്മിക്കുന്ന ‘ദി ഇന്ത്യ ഹൗസ്’ എന്ന ചിത്രത്തിന്റെ സെറ്റില്‍ വന്‍ അപകടം. ചിത്രത്തിന്റെ ഷൂട്ടിംഗിനായി ഒരുക്കിയ കൃത്രിമ വാട്ടര്‍ ടാങ്ക് പൊട്ടിത്തെറിച്ചാണ് അപകടം ഉണ്ടായത്. സെറ്റില്‍ പ്രളയം വന്നത് പോലെയായിരുന്നു ഈ സമയത്ത് അവസ്ഥ എന്നാണ് പുറത്തുവന്ന വീഡിയോയില്‍ വ്യക്തമാകുന്നത്.
വ്യാഴാഴ്ചയായിരുന്നു സംഭവം നടന്നത്. അപകടത്തില്‍ അസിസ്റ്റന്റ് ക്യാമറാമാനടക്കം നിരവധി ജോലിക്കാര്‍ക്ക് പരിക്കേറ്റു. ഷംഷാബാദിനടുത്ത് കടലിലെ രംഗങ്ങള്‍ ചിത്രീകരിക്കുന്നതിനായാണ് കൂറ്റന്‍ വാട്ടര്‍ ടാങ്ക് സ്ഥാപിച്ചിരുന്നത്.
ജൂണ്‍ 12 ഉച്ചയ്ക്ക് ശേഷം നടന്ന ഈ അപകടത്തെ തുടര്‍ന്ന് ചിത്രീകരണം താല്‍ക്കാലികമായി നിര്‍ത്തിവച്ചിരിക്കുകയാണ്. അപകടത്തിന്റെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്.
രാം ചരണ്‍-നിഖില്‍ കൂട്ടുകെട്ടില്‍ ഒരുങ്ങുന്ന ഈ ചിത്രം, രാം ചരണിന്റെ ആദ്യ നിര്‍മ്മാണ സംരംഭമാണ്. സായി മഞ്ജരേക്കയാണ് ചിത്രത്തിലെ നായിക. അതേസമയം നായകന്‍ നിഖില്‍ സിദ്ധാര്‍ത്ഥ സംഭവത്തെക്കുറിച്ച് പ്രതികരിച്ചു ‘ഞങ്ങള്‍ ഒരു വലിയ അപകടത്തില്‍ നിന്ന് രക്ഷപ്പെട്ടു. എല്ലാവരുടെയും സുരക്ഷ ഉറപ്പാക്കാന്‍ ഞങ്ങള്‍ പരമാവധി ശ്രമിക്കുന്നുണ്ട്’.
A major accident happened on the sets of #RamCharan's maiden production, '#TheIndiaHouse', starring #NikhilSiddhartha. pic.twitter.com/7R427mWYru
— Hyderabad Times (@HydTimes) June 12, 2025
അപകടത്തിന്റെ കാരണം ഇനിയും വ്യക്തമല്ല. നിലവില്‍, പരിക്കേറ്റവരുടെ ആരോഗ്യനില സ്ഥിരതയുള്ളതാണെന്നും ചിത്രീകരണം ഉടന്‍ പുനരാരംഭിക്കാന്‍ സാധ്യതയില്ലെന്നും റിപ്പോര്‍ട്ടുകള്‍ സൂചിപ്പിക്കുന്നു. ‘ദി ഇന്ത്യ ഹൗസ്’ എന്ന ഈ ചിത്രം, സ്വാതന്ത്ര്യസമര പശ്ചാത്തലത്തില്‍ ഒരുങ്ങുന്ന ഒരു പിരീഡ് ഡ്രാമയാണ്.
