അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാളിക്ക് ഉള്ളി കറി അത്ര അപരിചിതമല്ല. നിമിഷനേരം കൊണ്ട് ചപ്പാത്തി അപ്പം എന്നിവയോടൊപ്പം കഴിക്കാൻ തയ്യാറാക്കിയാലോ ഒരു ഉള്ളി കറി. അതും ഹോട്ടൽ രുചിയിൽ.
ചേരുവകൾ
- സവാള – അരക്കിലോ
- പച്ചമുളക് – 5
- തക്കാളി – 1
- കറിവേപ്പില – രണ്ട് തണ്ട്
- വെളിച്ചെണ്ണ – കാൽ കപ്പ്
- കടുക് – ഒരു ടീസ്പൂൺ
- മഞ്ഞൾപ്പൊടി – കാൽ ടീസ്പൂൺ
- തിളച്ച വെള്ളം – ഒന്നര കപ്പ്
- ഉപ്പ് – ആവശ്യത്തിന്
- പഞ്ചസാര – അൽപ്പം
- കാശ്മീരി മുളകുപൊടി – ഒരു ടേബിൾസ്പൂൺ
- പെരുംജീരകപ്പൊടി – അര ടീസ്പൂൺ
തയ്യറാക്കുന്ന വിധം
സവാള കനം കുറച്ച് നീളത്തിൽ അരിഞ്ഞെടുക്കുക. ഇനി ചുവട് കട്ടിയുള്ള ഒരു പാത്രത്തിൽ വെളിച്ചെണ്ണ ചൂടാക്കി സവാള, പച്ചമുളക്, കറിവേപ്പില, ഉപ്പ് എന്നിവ ചേർത്തു വഴറ്റുക. സവാള വെന്തു കുഴഞ്ഞു കിട്ടാനായി അടച്ചുവച്ച് ചെറിയ തിയിൽ 10 മിനിറ്റ് വേവിക്കുക. ഇടയ്ക്കിടയ്ക്ക് ഇളക്കി കൊടുക്കണം. സവാള ബ്രൗൺ നിറമായി എണ്ണ തെളിയുമ്പോൾ മഞ്ഞൾപ്പൊടി, മുളകുപൊടി, പെരുംജീരകപ്പൊടി ഇവ ചേർത്തു വഴറ്റുക. പൊടികളുടെ പച്ചമണം മാറുമ്പോൾ ചെറുതായി അരിഞ്ഞ തക്കാളി ചേർത്തു വഴറ്റുക. ഒന്നര കപ്പ് തിളച്ച വെള്ളം കൂടി ചേർത്ത് അടച്ചു വച്ച് ചെറിയ തീയിൽ വേവിക്കുക. സവാളയും തക്കാളിയും നന്നായി വെന്ത് എണ്ണ തെളിയുമ്പോൾ അല്പം പഞ്ചസാര കൂടി ചേർക്കുക. ചാറു കുറുകുമ്പോൾ തീ ഓഫ് ചെയ്യാം.
STORY HIGHLIGHT: Ulli Curry
