അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വ്യത്യസ്‌തമാർന്ന രൂപകൽപ്പനയിലൂടെ ലോക സ്‌മാർട്ട്‌ഫോൺ വിപണിയിൽ ചുരുങ്ങിയ സമയത്തിനുള്ളിൽ തന്നെ തനതായ വ്യക്തിമുദ്ര പതിപ്പിച്ച കമ്പനിയാണ് നത്തിങ്. ഇന്ത്യയിലെ സ്‌മാർട്ട്‌ഫോൺ ആരാധകർ ഇപ്പോൾ നത്തിങിന്‍റെ പുതിയ ഫോണായ നത്തിങ് ഫോൺ 3 എ സീരീസിന്‍റെ വരവിനായി കാത്തിരിക്കുകയാണ്. നത്തിങ് ഫോൺ 3 എ സീരീസിലെ ഫോണുകൾ മാർച്ച് 4ന് പുറത്തിറക്കുമെന്ന് കമ്പനി ഔദ്യോഗികമായി അറിയിച്ചിരിക്കുകയാണ് ഇപ്പോൾ. മാർച്ച് 4ന് 3:30ന് നടക്കുന്ന ലോഞ്ച് ഇവന്‍റിലായിരിക്കും അവതരിപ്പിക്കുക.
ഈ ഫോണിന്റെ വില, ഫീച്ചറുകൾ, തുടങ്ങിയവയുടെ വിവരങ്ങൾ ഇപ്പോൾ പുറത്തുവന്നിട്ടുണ്ട്. കിടിലൻ ഡിസൈനാണ് നത്തിങ് 3 എ യുടേത്. ഹൊറിസോണ്ടൽ ആയുള്ള ക്യാമറ സെറ്റപ്പ് ആണ് ഈ ഫോണിനുള്ളത്. പുതിയ ഐഫോണിനുള്ളതു പോലുള്ള ആക്ഷൻ ബട്ടണും നത്തിങ് 3Aയ്ക്കുണ്ട്. ഈ ബട്ടൺ ക്യാമറ ഷട്ടർ ബട്ടണായും, അലേർട്ട് സ്ലൈഡറായും ഉപയോഗിക്കാമെന്നതാണ് പ്രത്യേകത.
ലോഞ്ച് ചെയ്ത ഉടൻ തന്നെ ഇന്ത്യയിലടക്കം ഫോൺ മാർക്കറ്റിലെത്തിയേക്കുമെന്നും സൂചനയുണ്ട്. ഫോണിന്റെ ഇന്ത്യയിലെ വില 23,999 മുതൽ 25,999 വരെയായിരിക്കുന്നുമെന്നാണ് സ്ഥിരീകരിക്കാത്ത റിപ്പോർട്ടുകൾ. ലോഞ്ച് ദിവസം എല്ലാ കാര്യങ്ങളിലും വ്യക്തത വന്നേക്കുമെന്നാണ് സൂചന.
6.8 ഇഞ്ച് ഒഎൽഇഡി ഡിസ്പ്ളേയാണ് ഫോണിനുണ്ടാകുക. സ്നാപ്ഡ്രാഗൺ 7എസ് ജെൻ 3 ചിപ്സെറ്റ്, എട്ട് ജിബി റാം, 256 ജിബി സ്റ്റോറേജ് എന്നിവയായിരിക്കും മറ്റ് പ്രത്യേകതകൾ. ഫോണുകളിലെ ഏറ്റവും ബെസ്റ്റ് ആയ 6000mAh ബാറ്ററി കപ്പാസിറ്റിയാണ് നത്തിങ് 3Aയ്ക്കുള്ളത്. 50എംപി ടെലിഫോട്ടോ ലെൻസിന്റെ ബാക്ക് ക്യാമറ, 32 എംപിയുടെ ഫ്രണ്ട് ക്യാമറ എന്ന കിടിലൻ ഫീച്ചറും ഫോണിലുണ്ട്.
