അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചിക്കന്‍ വാങ്ങിയത് ഇരിപ്പുണ്ടോ? നാല് മണി ചായക്കൊപ്പം കഴിക്കാന്‍ കിടിലന്‍ ചിക്കന്‍ റോള്‍ തയ്യാറാക്കിയാല്ലോ.
ചേരുവകൾ
ചിക്കൻ എല്ലില്ലാത്തത്- 500ഗ്രാം
മൈദ-1 കപ്പ്‌
മുട്ട – 3 എണ്ണം
സവാള – 3 എണ്ണം
പച്ച മുളക് -2,3 എണ്ണം
കാരറ്റ് -1 എണ്ണം
ബ്രഡ് പൊടിച്ചത് -2 കപ്പ്‌
ഇഞ്ചി-വെളുത്തുള്ളി ചതച്ചത് -1 ടീസ്പൂൺ
കുരുമുളക് പൊടി-1 ടേബിൾ സ്പൂൺ
മല്ലി പൊടി-1 ടീസ്പൂൺ
ഗരം മസാല പൊടി -1 ടീസ്പൂൺ
ഉപ്പ് -ആവശ്യത്തിന്
പാൽ -2 ടേബിൾ സ്പൂൺ
തയ്യാറാക്കുന്ന വിധം
ചിക്കൻ , കുരുമുളക് പൊടി, ഉപ്പ് എന്നിവ ചേർത്ത് വേവിച്ചെടുക്കുക. വെന്ത ശേഷം ഇത് മിക്സിൽ ഇട്ട് ഒന്ന് ചതച്ചെടുക്കുക. ഒരു പാനിൽ എണ്ണ ചൂടാക്കി ഉള്ളി വഴറ്റി കൊടുത്ത് അതിലേക് ഇഞ്ചി വെളുത്തുള്ളി ചതച്ചത്, പച്ചമുളക് എന്നിവ കൂടി ഇട്ടു കൊടുത്തു ഒന്ന് വീണ്ടും വഴറ്റി കൊടുത്തു അതിലേക്ക് കാരറ്റ് ചേർത്ത് വഴറ്റി എടുക്കുക. ഉപ്പ് ആവശ്യത്തിന് ചേർക്കുക. പിന്നീട് വേവിച്ചു വെച്ച ചിക്കൻ ചേർക്കാം .ശേഷം കുരുമുളക് പൊടി, മല്ലിപ്പൊടി, ഗരം മസാല പൊടിയും ചേർക്കാം.
മാവ് ഉണ്ടാക്കുന്നതിനായി മിക്സിയുടെ ജാറിലേക്ക്‌ മൈദയും മുട്ടയും ആവശ്യത്തിന് വെള്ളവും ഉപ്പും ചേർത്ത് കൊടുത്തു നന്നായി അരച്ചെടുക്കുക. ഒരു പാൻ ചൂടാക്കി ഈ മാവിൽ ഓരോ ദോശ ചുട്ടെടുക്കുക. ഒരു ബൗളിൽ മുട്ടയും പാലും കൂടി നന്നായി അടിച്ചെടുക്കുക. ചുട്ടു വെച്ച ഓരോ ദോശയുടെയും മുകളിൽ മസാല ഇട്ടു കൊടുത്തു ദോശ രണ്ടു സൈഡും മടക്കി റോൾ ചെയ്തെടുക്കുക. മുട്ടയുടെ മിക്സിൽ മുക്കി ബ്രഡ് പൊടിയിൽ മുക്കി എണ്ണയിൽ ഫ്രൈ ചെയ്തെടുക്കുക.
