അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെറിയ കുട്ടികൾ, പ്രത്യേകിച്ച് 5 മുതൽ 10 വയസ്സുവരെയുള്ള കുട്ടികളിലുണ്ടാകുന്ന വിരബാധ വളരെയധികം ശ്രദ്ധിക്കണം. വിരബാധ കുട്ടികളിൽ വിളർച്ച, പോഷകാഹാരക്കുറവ്, ക്ഷീണം എന്നിവയ്ക്ക് കാരണമാകുന്നു.
മലദ്വാരത്തിൽ ചൊറിച്ചിൽ, മലത്തിൽ വിരകൾ കാണപ്പെടുക, ഛർദ്ദിലിൽ വിരകൾ കാണപ്പെടുക, എന്നിവ വിരബാധയുടെ ലക്ഷണങ്ങളാണ്.
പലപ്പോഴും വ്യക്തിശുചിത്വമില്ലായ്മയും വൃത്തിഹീനമായ ചുറ്റുപാടുകളും മൂലമാണ് കുട്ടികളിൽ വിരബാധയുണ്ടാകുന്നത്. മലിനമായ കൈകൾ കൊണ്ട് ഭക്ഷണം കഴിക്കുന്നതും, മലമൂത്രം ശരിയായി വിസർജ്ജിക്കാത്തതും വിരബാധയ്ക്ക് കാരണമാകാം.
അതുകൊണ്ട് എപ്പോളും ശുചിത്വം പാലിക്കുക. വൃത്തിയുള്ള വെള്ളം മാത്രം കുടിക്കുക. പഴങ്ങളും പച്ചക്കറികളും നന്നായി കഴുകി വൃത്തിയാക്കിയ ശേഷം മാത്രം കഴിക്കാൻ ശ്രദ്ധിക്കുക. കൃത്യമായ വിരമരുന്ന് കഴിക്കുന്നത് പുഴുക്കളെ ഫലപ്രദമായി ഇല്ലാതാക്കുകയും, അവ പെരുകുന്നത് തടയുകയും ചെയ്യുന്നു.
