അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രുചികരമാണെന്നു മാത്രമല്ല. ആരോഗ്യഗുണങ്ങളാലും സമ്പന്നമാണ് ഞാവൽപ്പഴം. ആന്തോസയാനിൻ, കെയിംഫെറോൾ തുടങ്ങി നിരവധി ആന്റി ഓക്സിഡന്റുകളാൽ സമ്പന്നമാണ് കാലറി കുറഞ്ഞ ഈ പഴം. പ്രോട്ടീൻ, കാൽസ്യം, മഗ്നീഷ്യം, പൊട്ടാസ്യം ഇവയാലും സമ്പന്നമാണ് ഞാവൽപ്പഴം.
ശരീരഭാരം കുറയ്ക്കാൻ ആഗ്രഹിക്കുന്നവർക്ക് മികച്ച ഒന്നാണ് ഞാവൽപ്പഴം. ഇതിൽ നാരുകൾ ധാരാളം ഉണ്ട്. കാലറിയാകട്ടെ വളരെ കുറച്ചു മാത്രമേ ഉള്ളൂ. അതുകൊണ്ടു തന്നെ ദിവസവും ഞാവൽപ്പഴം കഴിക്കുന്നത് ശരീരഭാരം കുറയ്ക്കാൻ സഹായിക്കും.
ദഹനം എളുപ്പമാക്കാൻ ഞാവല്‍പ്പഴം സഹായിക്കും. ഉദരപ്രശ്നങ്ങൾ അകറ്റാനും ഇത് സഹായിക്കുന്നു. വൈറ്റമിൻ എ, സി എന്നിവ ധാരാളം ഉള്ളതിനാലാണിത്. വായുകോപം തടയുന്നു. വയറു കമ്പിക്കൽ, മലബന്ധം ഇവ അകറ്റുന്നു.
ഞാവൽപ്പഴം കഴിക്കുന്നത് കഫശല്യം അകറ്റി ശ്വാസകോശത്തിന് സംരക്ഷണം നൽകും. ആസ്മയുടെ ലക്ഷണങ്ങൾ അകറ്റാനും ഞാവൽപ്പഴം സഹായിക്കും.
ഞാവൽക്കുരു, ഞാവല്‍ മരത്തോല്, ഞാവലിന്റെ ഇല എന്നിവയെല്ലാം പ്രമേഹത്തിനു മരുന്നാണ്. ഹൃദയാരോഗ്യം മെച്ചപ്പെടുത്താൻ ഞാവൽപ്പഴത്തിനു കഴിവുണ്ട്. ഞാവൽപ്പഴത്തില്‍ ആന്റിഓക്സിഡന്റുകൾ ധാരാളം ഉണ്ട്. ഇത് കൊളസ്ട്രോളിനെ നിയന്ത്രിച്ച് പ്ലേക്ക് ഉണ്ടാകുന്നതിനെ തടയുന്നു.
മാത്രമല്ല ഞാവൽപ്പഴത്തിലടങ്ങിയ പൊട്ടാസ്യം, പക്ഷാഘാതം, ഉയർന്ന രക്തസമ്മർദം ഇതുമായി ബന്ധപ്പെട്ട മറ്റ് ആരോഗ്യപ്രശ്നങ്ങൾ ഇവയ്ക്കുള്ള സാധ്യതയും കുറയ്ക്കുന്നു. പതിവായി ഞാവൽപ്പഴം കഴിക്കുന്നത് ഹൃദയധമനികൾക്ക് കട്ടി കൂടുന്നതും തടയും.
