അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രാജ്യത്ത് യുവാക്കളുടെ ഹരമായി മാറിയ റോയല്‍ എന്‍ഫീല്‍ഡ് മോഡലുകളില്‍ ഒന്നാണ് ഹണ്ടര്‍. കമ്പനി ലൈനപ്പിലെ ഏറ്റവും വില കുറഞ്ഞ മോഡല്‍ എന്ന വിശേഷണത്തിലാണ് ഈ വാഹനം അവതരിപ്പിക്കപ്പെട്ടത്. മുഖം മിനുക്കി എത്തുമ്പോഴും ഈ വിശേഷണത്തിന് ഒരു കോട്ടവും തട്ടിയിട്ടില്ല. റോയല്‍ എന്‍ഫീല്‍ഡ് ശ്രേണിയില്‍ ഇന്ന ഏറ്റവും കൂടുതല്‍ വിറ്റഴിക്കപ്പെടുന്ന മോഡല്‍ കൂടിയാണ് ഹണ്ടര്‍ 350.
സ്മാർട്ടായിട്ടുള്ള നിക്ഷേപകർ ഊഹങ്ങൾ നടത്താറില്ല, അവർ വിശകലനം ചെയ്യും. ഇതെങ്ങനെ എന്ന് ഞങ്ങളുടെ വാല്യുവേഷൻ മാസ്റ്റർ ക്ലാസ്സിൽ ജോയിൻ ചെയ്ത് പഠിക്കൂ. 10,000 രൂപയ്ക്ക് രജിസ്റ്റർ ചെയ്യൂ
മൂന്ന് പുതിയ നിറങ്ങളും, നവീകരിച്ച സവിശേഷതകളുമായാണ് 2025 റോയല്‍ എന്‍ഫീല്‍ഡ് ഹണ്ടര്‍ എത്തുന്നത്. പുതിയ മോഡലിലൂടെ ഹണ്ടറിന്റെ നിലവാരം കൂടുതല്‍ മെച്ചപ്പെട്ടെന്ന് കമ്പനി അവകാശപ്പെടുന്നു. ഡിസൈനില്‍ പഴയ മോഡലിനെ ഓര്‍മ്മപ്പെടുത്തുന്നുവെങ്കിലും കരുത്തില്‍ പുതുപുത്തന്‍ അനുഭവം ആണ് മുന്നോട്ടുവയ്ക്കുന്നത്. റിയോ വൈറ്റ്, ടോക്കിയോ ബ്ലാക്ക്, ലണ്ടന്‍ റെഡ് എന്നിവയാണ് പുതിയ നിറഭേദങ്ങള്‍.
പരിഷ്‌കരിച്ച പിന്‍ സസ്പെന്‍ഷന്‍ സജ്ജീകരണം, എല്‍ഇഡി ഹെഡ്ലാമ്പുകള്‍, ഒരു ട്രിപ്പര്‍ പോഡ്, മെച്ചപ്പെട്ട റൈഡര്‍ അനുഭവത്തിനായി ടൈപ്പ്-സി യുഎസ്ബി ഫാസ്റ്റ് ചാര്‍ജിംഗ് എന്നിവ പുതിയ മോഡലിനെ വ്യത്യസ്തമാക്കുന്നു. പഴയ മോഡിലിനെ അപേക്ഷിച്ച് പുതിയ ഹണ്ടറിന്റെ ഗ്രൗണ്ട് ക്ലിയറന്‍സ് 10 എംഎം വര്‍ധിപ്പിച്ചിട്ടുണ്ട്.
മുന്‍ മോഡലിലെ അതേ പവര്‍ യൂണിറ്റ് തന്നെയാണ് 2025 റോയല്‍ എന്‍ഫീല്‍ഡ് ഹണ്ടര്‍ 350 യിലും ഉപയോഗിച്ചിരിക്കുന്നത്. 349 സിസി, എയര്‍/ ഓയില്‍ കൂള്‍ഡ്, റിഫൈന്‍ഡ് ജെ സീരീസ് എന്‍ജിനാണ് മോഡലിന്റെ കരുത്ത്. ഈ എന്‍ജിന്‍ 20.2 ബിഎച്ച്പി കരുത്തും, 27 എന്‍എം ടോര്‍ക്കും ഉല്‍പ്പാദിപ്പിക്കുന്നതാണ്. 5 സ്പീഡാണ് ഗിയര്‍ബോക്‌സ്.
2025 ഹണ്ടര്‍ 350 യുടെ ബുക്കിംഗ് ഇതോടകം കമ്പനി ആരംഭിച്ചിട്ടുണ്ട്. 1,49,900 രൂപ തന്നെയാണ് തുടക്കവില. ഉയര്‍ന്ന പതിപ്പിന് 1,81,750 രൂപ വരെ വില വരും. ഇവയ്ക്ക് ഇടയില്‍ വരുന്ന വേരിയന്റിന്റെ വില 1,76,750 രൂപയാണ്.
റോയല്‍ എന്‍ഫീല്‍ഡിന്റെ പുതിയ ഡിജിറ്റല്‍, അനലോഗ് മീറ്ററാണ് പുതിയ മോഡലില്‍ ഉള്ളത്. ഇതിനൊപ്പം ഒരു ട്രിപ്പര്‍ നാവിഗേഷന്‍ യൂണിറ്റ് കൂടി ഉള്‍പ്പെടുത്തിയിട്ടുണ്ട്. പഴയ എന്‍ജിനില്‍ സ്ലിപ്പര്‍ ക്ലച്ച് നല്‍കിയിരിക്കുന്നു. 36.2 കിലോമീറ്ററാണ് മോഡിലിന് പ്രതീക്ഷിക്കുന്ന മൈലേജ്.
