അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൃശൂര്‍: തൃശൂര്‍ പൂരത്തിന് വേടന്റെ പോസ്റ്റർ ഉയർത്തി ആരാധകർ. ‘വേടന്‍ തുടരും’ എന്നെഴുതിയ പോസ്റ്റര്‍ ആണ് താരത്തെ പിന്തുണച്ചുകൊണ്ട് ഉയർത്തിയത്. കുടമാറ്റ സമയത്താണ് ആള്‍ക്കൂട്ടത്തില്‍ നിന്നും പോസ്റ്റർ ഉയർന്നത്. വേടന്റെ നിരവധി ആരാധകരാണ് പൂരത്തിന് എത്തിയത്.
അതേസമയം ലക്ഷക്കണക്കിനാളുകളാണ് പൂരം ആസ്വദിക്കാന്‍ ഒഴുകിയെത്തുന്നത്. ആവേശം നിറച്ച് കുടമാറ്റം പുരോഗമിക്കുകയാണ്. പാറേമക്കാവ്-തിരുവമ്പാടി ഭഗവതിമാര്‍ തെക്കോട്ടിറക്കം പൂര്‍ത്തീകരിച്ചതോടെയാണ് കുടമാറ്റത്തിന് തുടക്കമായത്. പാറേമക്കാവ് വിഭാഗമാണ് ആദ്യം പുറത്തേക്കിറങ്ങിയത്.
പിന്നാലെയാണ് തിരുവമ്പാടി വിഭാഗം പുറത്തിറങ്ങിയത്. കിഴക്കൂട്ട് അനിയന്‍ മാരാരുടെ നേതൃത്വത്തില്‍ ഇലഞ്ഞിത്തറമേളം കലാശിച്ചതിന് പിന്നാലെയായിരുന്നു തെക്കോട്ടിറക്കം ആരംഭിച്ചത്.
