അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആന്റണി മാക്കി പ്രധാന വേഷത്തില്‍ എത്തിയ മാര്‍വല്‍ ചിത്രമാണ് ക്യാപ്റ്റൻ അമേരിക്ക: ബ്രേവ് ന്യൂ വേൾഡ്. ഫെബ്രുവരി 14 ന് ആണ് ചിത്രം ലോകമെമ്പാടുമുള്ള തിയേറ്ററുകളിൽ റിലീസ് ചെയ്തത്. ക്യാപ്റ്റൻ അമേരിക്ക ചിത്രങ്ങളില്‍ നാലാമത്തെ ഭാഗമായിരുന്നു ഇത്.
മാര്‍വല്‍ സിനിമാറ്റിക് യൂണിവേഴ്സില്‍ ഉൾപ്പെടുന്ന ഈ സൂപ്പർ ഹീറോ ചിത്രം ഒടിടിയില്‍ എത്തുകയാണ്. മാർവൽ സിനിമാറ്റിക് യൂണിവേഴ്‌സിന്റെ അഞ്ചാം ഘട്ടത്തിലെ രണ്ടാമത്തെ ചിത്രമാണിത്. ആഗോള ബോക്സോഫീസില്‍ ഈ ചിത്രം ആകെ നേടിയത് 415 മില്ല്യണ്‍ ഡോളറാണ്.
2025ലെ നാലാമത്തെ വലിയ ഹോളിവുഡ് ഗ്രോസിംഗാണ് ഇതെന്ന് പറയാം. 180 മില്യൺ ഡോളറിന്റെ നിർമ്മാണ ബജറ്റും മാർക്കറ്റിംഗ് ചെലവും കണക്കിലെടുക്കുമ്പോൾ, ചിത്രം ലോകമെമ്പാടും നിന്ന് 425 മില്യൺ ഡോളർ നേടിയാല്‍ ആയിരുന്നു ബ്രേക്ക് ഈവണ്‍ ആകുക എന്നാണ് ഡെഡ്‌ലൈൻ ഹോളിവുഡ് റിപ്പോർട്ട് ചെയ്യുന്നത്. എന്നാല്‍ ചിത്രത്തിന്‍റെ തീയറ്റര്‍ വിജയം സംബന്ധിച്ച് മാര്‍വല്‍ പ്രതികരിച്ചിട്ടില്ല.
പുതിയ ഔദ്യോഗിക വിവരം അനുസരിച്ച് ചിത്രം മെയ് 28 മുതൽ ജിയോ ഹോട്ട്‌സ്റ്റാറിൽ ഒടിടി റിലീസ് ചെയ്യും. ഹാരിസൺ ഫോർഡ് അഭിനയിക്കുന്ന കേണല്‍ റോസിന്‍റെ റെഡ് ഹൾക്ക് എന്ന കഥാപാത്രം ചിത്രത്തിന്‍റെ പ്രധാന ആകര്‍ഷണമാണ്.
ജൂലിയസ് ഓനാ സംവിധാനം ചെയ്യുന്ന ചിത്രത്തിൽ ഡാനി റാമിറെസ്, ഷിറ ഹാസ്, സോഷ റോക്മോർ, കാൾ ലംബ്ലി, ജിയാൻകാർലോ എസ്പോസിറ്റോ, ലിവ് ടൈലർ, ടിം ബ്ലേക്ക് നെൽസൺ എന്നിവരും നിർണായക വേഷങ്ങളിൽ എത്തുന്നുണ്ട്.
