അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തമിഴ് നടന്‍ നിതിഷ് വീര കോവിഡ് ബാധിച്ച് മരിച്ചു. 45 വയസായിരുന്നു. രോഗബാധിതനായതിനെ തുടര്‍ന്ന് ചെന്നൈ ഒമന്‍ധുരര്‍ ആശുപത്രിയില്‍ ചികിത്സയിലായിരുന്നു. ഇന്ന് പുലര്‍ച്ചയോടെയായിരുന്നു അന്ത്യം.
2006ലാണ് നിതിഷ് ചലച്ചിത്രലോകത്തേക്ക് ചുവട് വെക്കുന്നത്. ധനുഷ് നായകനായി എത്തിയ അസുരന്‍ എന്ന ചിത്രത്തിലെ പാണ്ഡ്യന്‍ എന്ന കഥാപാത്രം ഏറെ ശ്രദ്ധ നേടിയിരുന്നു. സിദ്ധാനൈ സെയ്, വെണ്ണില കബടി കുഴു, കാല തുടങ്ങിയ സിനിമകളും ശ്രദ്ധേയമായ കഥാപാത്രങ്ങളെ അവതരിപ്പിച്ചു. താരത്തിന്റെ അപ്രതീക്ഷിത വിയോഗം തമിഴ് സിനിമ ലോകത്തെ ഞെട്ടിച്ചിരിക്കുകയാണ്. നിരവധി പ്രമുഖ താരങ്ങളും സംവിധായകരുമാണ് ആദരാഞ്ജലികള്‍ അര്‍പ്പിച്ചത്.
